NG'THU K'THUUK~ 18:23 - Cho Bible Common Language 2016

²³ Dukhaih ci naw ng’coi pa ne ng’thu pyen ci, cun ung phi buhmang ci naw akghat ah m’shang ci.

NG'THU K'THUUK~ 18:23 Referans Kwoze

JAMES 2:3

Nangmi naw sui k’ni sui ne lawk cicu chang m’sui u ne, ngoh nak nami nam hnawn khai; sui she sui ne lawk cicu “A cän ung düi ä, kä cun ung kami kho pei ah ngoh law ä,” cine nami kiak nak ung,

JAMES 2:6

Cun ung phi nangmi naw pyamtham cicu chang ah kä nami ngai ci, bühmang ci gui naw nangmi cu ning yoshe na gui u ne, yung ah m’kawt mang ah khlaak ung ning hteh püi gui ciah kä kya ne ang?

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

1 SAMUEL 25:17

Shin ah mawng, na bä ni, ngaih-tüh neta, a i bi vai k’bäi ä. Shin naw mi bawi la akyong chang gui cu khüikha sak hning ci nei. Ani cu ling aih ci kya ne a u phi kä ngai ci!”

1 SAMUEL 25:10

Nabala naw ak mü ah, “David? Ani a u ang? Ani ah mawng kä ka ng’ya man ci! Shin ah khaw cu tuhchü ung changshäm dawng ci gui awn be ci nei.

1 SAMUEL 2:36

Na hta ng’shon ung ka, api k’pawih ba ci gui cu taigüpa ah hteit ne, ngui la ei k’thäh khai gui, ei vai ami gah vai ah phäh ah taigüpa cu bi ning bi püi kawng cine, ami bi sak vai ah ng’hui ng’pa khai gui.”

RUT 2:7

Ani naw bii bik ci gui ah hnu ah läk ne geit khäm vai ah na k’thäh ci. Ani cu khaw ngawihta ung tün ne bi ne, tuhbäi hta ng’düm ne hnim yii ci nei,” cik ci.

PHYAWN NAK 5:2

Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.

ATÜNNAK 42:30

Egypt khaw uk ciah bawi naw akgat ah na ng’thu püi gui ne, ami khaw kami k’tä ciah na k’bäi gui ci nei.

ATÜNNAK 42:7

Joseph naw a phäi gui cu hmu gui ne hmat gui ci. Cun ung phi kä hmat gui hlawk ciah ng’shei neta, “Nangmi a hawi ka gui ang?” cine akgai ah ng’shi gui ci. Ngami naw, “Keimi cu Kaanan khaw ah ka ei hleih vai ah kami lawk ci nei” cik ci gui.

1 GHANGPUGHANG GUI 12:13

Ghangpughang naw ang vai gui ah m’cäi cu a i ah kä ngai ne chang gui cu ak ghat ah ng’thu püi gui ci,

2 SHONTÄP NAK 10:13

Ghangpughang naw a gham gui ah m’cäi cu nawng-en neta, chang gui cu ak ghat ah ng’thu püi gui ci.

NG'THU K'THUUK~ 19:7

Dukhaih cicu amat ah phaäinau gui naw phi ka htung mang ka m’htei htang ci gui, A teihpüii phi a u ka om ci, Ani naw a i hlawk ah tha na ne phi, a i phi ka m’khut nang hlawt ci.

NG'THU K'THUUK~ 22:7

Dukhaih ci gui cu bühmang ciah changshäm ah kyak ci gui, ngui na pu ung nang cu ngui ng’pu ciah changshäm ah na kyak ci.

JOB 41:3

Ani naw na luat sak vai ah ning ng’paa nak khai ma? Na m’gein vai ah ning ng’coipa khai ma?