NG'THU K'THUUK~ 18:21 - Cho Bible Common Language 2016

²¹ Na mat ah ng’thu naw na hnun ning ngang hning ci, ka cun ung ning m’di hning ci, cun ah kyasei na ng’thu htau ah aci ah na dou thei ci.

NG'THU K'THUUK~ 18:21 Referans Kwoze

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

KOLOSE 4:6

Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

NG'THU K'THUUK~ 10:31

Düng ciah chang gui cu cüivai ne ng’thu ci gui, Cun ung phi akshe ah ng’thu ciah m’lei cu maih khai.

NG'THU K'THUUK~ 12:13

Chang shekha cu amät ah ng’thu naw mät pha ba ci. Cun ung phi düng ciah chang cu khüikha nak phyawn nak ci.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

NG'THU K'THUUK~ 11:30

Düng nak naw ghin nak pek ci, cun ung phi ng’tukvok nak naw nawt pet yawp ci.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

2 KORIN 11:15

Cun ah kyasei Satan ah chang gui naw ng’düng nak ah mawng pyeinsak ci gui ah ami ng’hlawk cu cäicat vai kä kyak ci. Ak hnu ah ngami cu ami mät ah bilawh ah ciah akcang ah gah ba khai gui nei.

2 KORIN 2:16

Chükmaih ci gui ah phäh ah cun ah ng’ui cu, sih nak ah kya ne, hun nak gah ci gui ah phäh ah cun cu ghin nak ah kyak ci. Cun ah kyasei cun ah mäih cu a u awn khinkha khai ang?

NG'THU K'THUUK~ 21:23

Cümbawng nak kä om khai ah na om hlü ung geing na ne ng’thu na pyen vai.

ISAIAH 3:10

Düng ciah chang gui cu yeikyai khai gui, amawng avan cu ngami ah hmawk ah nik khai. Ngami cu ami bi ah kmawk ah yeikyai khai gui.

HOSEA 10:13

Cun ung phi nangmi naw shet kat nak geit u new, Acun ah m’theih pai cu nami khäm ci, Nami mät ah hleeihlak nak ah am theih pai cu nangmi naw nami ei ci. “Nami yatha gui la da aih ciah nami gakap gui cu nami ngaih u ah phäh ah

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.