NG'THU K'THUUK~ 18:18 - Cho Bible Common Language 2016

¹⁸ Huham mah ciah chang goi yung ah ani ng’küknet law ah a kyak ung, taga khai ah cun ah mawng cu ng’pyi sak vai.

NG'THU K'THUUK~ 18:18 Referans Kwoze

NG'THU K'THUUK~ 16:33

Chang gui naw Khanpughi ah ng’yak hlü hmat vai ah m’nüm shüm shüm ci gui, cun ung phi a khanpughi amät naw am shan nak m’dang ci.

NEHEMIAH 11:1

Angvai gui cu Jerusalem ung om tuk ci gui, k’pawih ba ciah chang gui cu im tung gha ung ka tung ät ci, theingcim mang gaw Jerusalem ung om tuk khai ah m’shüih tawk ci gui, apawih ba gui cu a hei mang gaw gui la gawnu gui ung om tuk ci gui.

1 SHONTÄP NAK 24:31

Ami kyong khui ung ami ng’vai phäh phäh la ami nau ak hmaw ba ungka tumat mat naw ami bilawh vai cu m’shiüh tawk ci gui, cun cu ami mätyah gui, Aaron ungka ng’shen ci gui tai ah bi ah mäih ah kyak ci. Ghangpughang David, Zadok, Ahimelek la ami kyong chang ng’vaihta ciah taigü gui la Levit gui cu saksi ah kyak ci gui.

1 SHONTÄP NAK 6:63

Acun ah mäih ah Merari pahta ung ak kyong phäh phäh am Reuben, Kad, la Zebulun khopäng ung gawnu gha lei goi cu pe gui ci gui.

1 SAMUEL 14:42

Cun kawn ah Saul naw, “Kei la kahta Jonathan ah ng’lak ung ng’thumcha nak bi ä” ci sei, Jonathan cu m’dang ci.

JOSHUA 14:2

Bawipa naw Moses ang thumkhän ah mäih ah pakhui kaw la pakhui ateih Jordan akhei täng ungka am m’shüih tawk ne k’pai gui ci guii.

NG'THU K'THUUK~ 18:17

Yung ah m’kawt ung ng’thu pyen ma ciah chang cu dung ciah mäih ah a kyak ung phi, a hnungtuk pui ah chang naw tün ne ng’shi thei ci.

NG'THU K'THUUK~ 18:19

Na phai nau na m’hteivai, cun ung ani naw khang ciah mang paang ah maih ah ning shungvong khai. Cun ung phi ng’thu na m’da pui ah a kyak ung ani naw nang ah lam ah m’kawt khai khai.

1 SAMUEL 14:41

Saul naw, Bawipa, Israel gui ah Khanpughi ah ma ah “Bawipa, a i ah kyasei tuhngawi kä na na m’shan ang? Bawipa, Israel Khanpughi, theingcim ciah lung gui awn na m’shang ä. Cheishoh nak cu Jonathan ah baw, kei ah baw a kyak ung, Urim awn na m’shang ä; na chang Israel gui ah a kyak ung Thummim awn na m’shang ä” cik ci. Am shan nak naw Jonathan la Saul cu m’dang ci; cun kawn a chang gui cu ci ci gui.