NG'THU K'THUUK~ 18:16 - Cho Bible Common Language 2016

¹⁶ Htingling ciah chang na hmuh hlü ung, m’cümhnah nak na thak vai, cun ung na hmu yai khai.

NG'THU K'THUUK~ 18:16 Referans Kwoze

NG'THU K'THUUK~ 19:6

A chang pang naw bawimang naw am kum vai ah k’tha nak ci, A chang pang naw m’kum nak gah ciah chang awn khawt sheng vai ah bik ci.

ATÜNNAK 43:11

Ami pa naw ngami am, “Cun ah a kyak ung uk ciah bawi am nami pek vai ah, mi khaw ungka akni pi gui ah kyak ciah sing ui api, khoitui, cünggük, hei theih la sing theih gui hteh püi vä.

NG'THU K'THUUK~ 17:8

Chang amshah naw ng’mu bi cu cecai ah maih ah ngai ci gui, cun naw avan bi hning khai ah ngami naw yum ci gui.

1 SAMUEL 25:27

Na bä ni, saza, shin ah ka law püi ah laksawng cu dou vä, na chang gui am pe gui ä.

ATÜNNAK 33:10

Jakob naw, “Na bä ni, ka phäi aw, nang ah yei nak ka hmuh nak vai ah shin gui cu na dou pe ä. Nang naw na na yei nak cu kei ah hmawk ah Khanpughi ah hmai hmuh ah mäih ah kyak ci nei.

ATÜNNAK 32:20

Jakob na changshäm phi kami hnu ah lawk ci nei” ciah nami pyen vai cine m’cäi gui ci. “Ka phäi cu m’cümhnah nak pe ne, yei sak neta ka hmuh law ung na m’gein hman khai nei.”

NG'THU K'THUUK~ 21:14

Chang tumat naw na khan ah am lung law ah a kyak ung, adüm ah m’cümhnah nak peit nak naw dim gei sak khai.

1 SAMUEL 16:20

Jesse naw a hta David cu me’hta tumat, m’htut be sei taih ah la lah, sapyit tui be ciah meh vun ng’ip law püi sak ne, Saul ah tüi lawk ci.

NG'THU K'THUUK~ 18:17

Yung ah m’kawt ung ng’thu pyen ma ciah chang cu dung ciah mäih ah a kyak ung phi, a hnungtuk pui ah chang naw tün ne ng’shi thei ci.

2 GHANGPUGHANG GUI 5:5

Ghangpughang naw, “Israel ghangpughang ah hteit ä, shin ah ca hteh püi ä” cik ci. Cun ah kyasei Naaman naw ngui pit phia phia thumkip, ghui pit phia phia chukkip la sui k’ni ng’yung gha hteh püi ne hteit ci.