NG'THU K'THUUK~ 18:14 - Cho Bible Common Language 2016

¹⁴ Na ghin gai nak hlü naw na natnak cu nang ci, Cun ung phi cun a maih ah a kyak ung, na ngaih u nak cu maih khai.

NG'THU K'THUUK~ 18:14 Referans Kwoze

NG'THU K'THUUK~ 15:13

Chang gui cu ami yei yah ung hmai kiang ci gui, ami thüi law ung ami hmai m’kyum ci gui.

NG'THU K'THUUK~ 17:22

Yeikyai hmai kyang naw gai nak pek ci, akphlütt ah hmai m’kyum ung sih nak ng’et ci.

1 PETER 1:6

Nangmi cu yaica geinvai nak a hlü hlü om sei tuhbäi nami thüisei ung phi, ak khan ah a mawng gui cu ngai ne yeikyai vä.

JAMES 1:2

Ka phäi nau gui aw, nami lam ung tüihtok nak a hlü hlü a gawk law ung, yeikyai nak vai nei, ciah nami yum vai.

SAM 147:3

Ani naw am lung kyong di ci gui cu gai sak gui ne, ami leim cu hlawp pe gui ci.

2 KORIN 2:7

Tuhbäi nuipai sei kä a thüi aih vai ah, ani cu m’gein ne, thamah nak pe vä.

SAM 109:22

Kei cu dukhaih ne ka gen vai ci; ka m’lung kyong cu nak ci nei.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

SAM 55:5

Kei cu kyi aih ne, nak phawng sei ka ng’thüng ci; kyih nak ung ka gein vai ci.

SAM 55:3

Ka gaa gui ah k’aw ng’ya ne, ka kyik ci nei, Changshe gui naw na hnim u sei, ka yai ci nei. Ngami naw na geinvai sak ci gui, Na m’lung she na u ne, na gen ci gui.

JOB 6:4

M’gäi ciah Khanpughi naw am’la gui awn na kap ci, Ngami ah ami m’äm cu kei ah pumsa avan ung gawk ci nei. Khanpughi naw kei ana kyih vai hnungtuk nak cu m’hnüt k’bäi ci nei.

PHYAWN NAK 6:9

Moses naw cun gui cu Israel gui am m’thein gui ci. Cun ung phi ngami naw kä ngai ci gui, a i ah kyasei ci ung, ngami cu akshe ah ami khleihtein nak gui awn ami m’lung cu di yawp pyi ci.