NG'THU K'THUUK~ 18:10 - Cho Bible Common Language 2016

¹⁰ Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

NG'THU K'THUUK~ 18:10 Referans Kwoze

2 SAMUEL 22:3

Ka Khanpughi cu ka ng’shung nak, Ani ung om ne, kei ka phyawng ci. Ani naw shawi ah mäih ah na shung vong ci; Ani naw na cham ne pang ne na hun ci, Ani cu ka hunbawi nei; Ani naw hung sai ung na shung vong ne, nak phyawn ci.

SAM 91:2

Ng’thu a pyen vai cu, “Nang cu ka ng’yii nak la na shung vong ciah na kyak ci. Nang cu ka Khanpughi; nang ung kei ka ng’ap ci,” ciah kyak ci.

ISAIAH 26:4

Bawipa ung angtäi sei ngaih gep vä; ani naw angtäi sei na shungvong gui khai nei.

SAM 144:2

Ani cu ka ngäng nak la ka ng’shung nak, ka ng’yii nak la ka hunbawi ah kyak ci, ani ung yumhtek ne ka phyawng ci. Ani naw changpakhui avan cu ka kaa ah tha ci.

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

HABAKKUK 3:19

Uktu Bawipa naw thagui na pek ci. Kigang ah mäih ah ka khaw na yaang sak ci. Khomhtung gui ah khan ah k’pang ne nak phyawn ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

2 SAMUEL 22:51

Khanpughi naw a ghangpughang am näng nak akdäm pek ci; Ani naw kä ng’pyi hlawt ciah m’hni nak cu a ghü ah chang tumat David la a hta ng’shon am ngawi yä m’hnuh ci nei,

ATÜNNAK 32:11

Ka taigü ci nei, ka phäi Esau ah kut ung nak phyawn ä, kei cu ka kyik ci nei, ka phäi Esau cu kei la ka chu ka hta gui, avan na m’di gui khai ah law pyi ci nei.

PHYAWN NAK 6:3

Abraham, Isaak la Jakob ni ah ma ah M’gäi ciah Khanpughi ah ka ng’dang ci. Cun ung phi ka ming theing cu Bawipa ah ami na hmat vai ah ka mät naw ka mät kä ka bik ci.

2 SAMUEL 22:2

Bawipa cu kei ah ka ng’shung nak; Ani cu khüighat ciah ka mangpang.

NG'THU K'THUUK~ 14:26

Bawipa kyih aa nak naw m’lung up nak la ngaih gep nak cu acun ah chang la akyong khui am pek ci.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

1 SAMUEL 17:45

David naw, “Nang naw kei na na ng’tuk püi khai ah khim ni, k’htei ni, htei pawng ci kawt ne na lawk ci, cun ung phi kei naw nang ka ning tuk püi khai ah, nang naw na ghet taap ah, Israel gakap gui ah Khanpughi, hlüngtai ciah Bawipa ah ming awn ka lawk ci nei.

SAM 20:2

A pum im ung om ne nang cu ning m’htei ne Zion m’htung ungka naw khükhän nak ning pek ci.