NG'THU K'THUUK~ 17:8 - Cho Bible Common Language 2016

⁸ Chang amshah naw ng’mu bi cu cecai ah maih ah ngai ci gui, cun naw avan bi hning khai ah ngami naw yum ci gui.

NG'THU K'THUUK~ 17:8 Referans Kwoze

PHYAWN NAK 23:8

Ng’mü khawh kä na dou vai, ng’mü khawh naw chang ah düng nak kat sak ne, changni ah mawng ng’chei sak ci.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

AMOS 5:12

Shah aih ciah nami katnak gui la leng ba ba ne nami katnak gui cu kei naw ka hmat ci. Chang k’ni nami dukdeiu nak ci, ng’mü khawh nami lak ci, mang ah m’kawt ung dukhaih ci ghui ah gah vai ah taga nak gui cu nami shung ci.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

NG'THU K'THUUK~ 21:14

Chang tumat naw na khan ah am lung law ah a kyak ung, adüm ah m’cümhnah nak peit nak naw dim gei sak khai.

NG'THU K'THUUK~ 17:23

Ka taga ciah suki naw ng’mu khawh dou ci, Ani naw taga khai ah ka bi hlawt ci.

1 SAMUEL 25:35

Cun kawn ah David naw a law püi gui cu dou neta, ani am “Na im ah hteit ba ä, kä ng’ä ä. Na ng’yak hlü ah kei naw ka bik khai nei” cik ci.

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

ATÜNNAK 43:11

Ami pa naw ngami am, “Cun ah a kyak ung uk ciah bawi am nami pek vai ah, mi khaw ungka akni pi gui ah kyak ciah sing ui api, khoitui, cünggük, hei theih la sing theih gui hteh püi vä.

SAM 29:4

Bawipa ah aw cu a bämang nak la a küikyang nak ung ng’yak nei.

SAM 21:13

Bawipa, ghaa ciah na thagui ah hmawk ah kami ning m’hlüngtai ci nei! Keimi naw ng’äi m’cu ne, na hlüngtai nak cu kami m’taam ci.

SAM 19:6

Ani cu khomik ah vang mawng ah lut law ne, vang mawng ah ng’phlän ne hteit ci. Ani ah a ng’lung ung a i phi kä ng’shung thei ci.

SAM 18:16

Bawipa cu khankho ah kya law ne, nak pang ne, tui thuuk ung ka kei cu na khui ba ci.

THUSHÄUTU 7:7

Nang cu na cüivai ci, cung phi chang na m’hleei ung a gu-ang ah mäih ah hnüntho ciah kyak ci. Ng’mü khawh dou ci cu, a om ih m’di ciah kyak ci.

ATÜNNAK 32:14

me akhik phia goi, ak hla m’ku,

ATÜNNAK 32:21

Cun ah m’cümhnah nak pek khai gui cu tüi gui ma neta, a mät cu a cun ah phung ung ip ci.

NG'THU K'THUUK~ 18:16

Htingling ciah chang na hmuh hlü ung, m’cümhnah nak na thak vai, cun ung na hmu yai khai.