28 Cun ah kawn ah chang gu ang phi adüm ah om ne am gawng am kuup ung, cuivai ne lunglang ciah chang naw ngai ci.
A i phi kä pyen ä, a u baw chang naw na cüivai ciah ning ngai khai nei!
Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.
Chang gu-ang cu ng’thu ne ng’thu ci. Ngawi ah a i ah kya lawk khai cu a u naw kä hmat ci, mi sih kawn ah a i ah kyak khai ci phi a u naw kä na m’thei gui hning ci.
Na ng’ä ai law pi ung, nang ng’mang akshe ah she law pi khai, akda ah na ng’thu law pi ung, na ng’thu akgu ang da law pi khai.
Chang shekha cu lam ah hmuk ciah chang gui naw phi, ani ah gu-ang nak cu hmat ci gui; ani naw amät a gu-ang cu chang päng am hmat sak ci.
Chang awn ka om ih thei ciah chang gui cu, ami mat bang ng’yum ci gui. Ngami naw chang van naw hman ciah akbäi cu ka yum tuk ci gui.
Ngami dip ne ami om yah ung ka ning ngäng gui lä vai ma? Ngami cu ami pyen ba vai kä om sei ng’düi ci gui nei.