NG'THU K'THUUK~ 17:23 - Cho Bible Common Language 2016

²³ Ka taga ciah suki naw ng’mu khawh dou ci, Ani naw taga khai ah ka bi hlawt ci.

NG'THU K'THUUK~ 17:23 Referans Kwoze

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

NG'THU K'THUUK~ 17:8

Chang amshah naw ng’mu bi cu cecai ah maih ah ngai ci gui, cun naw avan bi hning khai ah ngami naw yum ci gui.

PHYAWN NAK 23:8

Ng’mü khawh kä na dou vai, ng’mü khawh naw chang ah düng nak kat sak ne, changni ah mawng ng’chei sak ci.

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

EZEKIEL 22:12

Amshah naw cheng dou ne chang ngawn ci gui. Amshah gui naw ami Israel paw gui am ngui ataw ah k’pu u ne, ngami ah khan ah ataw la ne ng’büh mang ci gui. Ngami naw kei cu na m’hnih ci gui.” Uktu Bawipa naw a pyen nei.

ISAIAH 1:23

Nami vgvai gui cu hnu ng’tuk ciah kya u ne, m’guk ei ah teihpüi ah kyak ci gui; ngami naw m’cümhnah nak la ng’mü khawk cu angtäi sei dou ci gui. Ngami naw yung aha m’kawt ung hmei hta cu kä shungvong ci gui, hmei nu ah mawngma phi kä m’khoi m’cha pek ci gui.

NG'THU K'THUUK~ 21:14

Chang tumat naw na khan ah am lung law ah a kyak ung, adüm ah m’cümhnah nak peit nak naw dim gei sak khai.

NG'THU K'THUUK~ 18:16

Htingling ciah chang na hmuh hlü ung, m’cümhnah nak na thak vai, cun ung na hmu yai khai.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

1 SAMUEL 8:3

Cun ung phi ami pa ah bi cu kä läk hlawt ci gui; ngami cu ngui gah vai bäng tha nak ci gui. Ngami cu ng’mü khawh dou u ne a i ah mawng phi ng’düng khai ah kä m’khoi m’chak ci gui.

THUSHÄUTU 7:7

Nang cu na cüivai ci, cung phi chang na m’hleei ung a gu-ang ah mäih ah hnüntho ciah kyak ci. Ng’mü khawh dou ci cu, a om ih m’di ciah kyak ci.

ISAIAH 5:23

Cun ung phi nangmi naw ng’mü khawk dou u ne, chang she m’hlawt ne, kä hma ciah chang cu taga khai ah kä nami bi pek ci.

EZEKIEL 22:27

Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.

MIKHAH 3:9

Israel uktu gui, na ngai vä! nangmi cu taga ci thüi ne u ne, ahman cu ahma ah nami lat ci.