NG'THU K'THUUK~ 17:2 - Cho Bible Common Language 2016

² Cuivai ciah chang sham naw ghawi pai ciah a bawi ah hta ah khan ah huham mah ne pakhui khawh amshah cu gha thei ci.

NG'THU K'THUUK~ 17:2 Referans Kwoze

NG'THU K'THUUK~ 10:5

Lunglang ciah chang naw geit a hmin sang ung khäm ci, geit khäm yah ung ip cicu thüisei nak om ci.

THUSHÄUTU 4:13

Dukhaih ciah chang tumat cu amät ah khaw ung ghangpughang ah kya law hning ci, thawng kyum te ci phi mang kyang ung ngo hning ci. Cun ung phi ani cu ghi law aih ne, chang m’cäi m’cat khai ah a ang law ah akyak ung ani cu a du aih ung phi cüivai ciah changnong kä pha ba hlawt ci.

NG'THU K'THUUK~ 19:26

Thui ng’aa ne thüisei vai ah kyak ciah chang naw apa shedam na ne anu im ungka naw gawt ne k’tam ci.

NG'THU K'THUUK~ 14:35

Cuivai ciah a chang bawi cu ghangpughang naw yei nak ci, thui ng’aa nak vai bik cicu m’kyuik ci.

NG'THU K'THUUK~ 29:15

M’shümthein nak gui la m’hnütbäi nak gui cu ak hmaw gui ah phäh ah akni ah kyak ci. Ak hmaw cu amät ah ngaih ah a hteh ah akyak ung, ani naw anu cu ng’aa sak khai.

NG'THU K'THUUK~ 11:29

A kyong khui ung khüikha nak gawk law sak ciah chang cu, ak hnu ah akholä ma nak khai. Ang lam ciah chang cu angtäi sei cüivai ciah chang ah changshäm ah kyak khai.

NG'THU K'THUUK~ 17:1

Ding gei nak awn m’htut m’ka at ei cu ng’tu ng’vaw neta im ung be ciah mang ei ei ah ta ba tuba ci.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.