NG'THU K'THUUK~ 17:15 - Cho Bible Common Language 2016

¹⁵ Changnim’kyuk ci la changshe m’hlawt ci — ani nik hnih cu Bawipa naw thui nak ci.

NG'THU K'THUUK~ 17:15 Referans Kwoze

PHYAWN NAK 23:7

Kä düng ci kä na bi vai. Chang cu sih nak ung kä na shum vai. Kei naw cun ah mäih ah ak she bik ci phung cu ka m’kyuk khai.

ISAIAH 5:23

Cun ung phi nangmi naw ng’mü khawk dou u ne, chang she m’hlawt ne, kä hma ciah chang cu taga khai ah kä nami bi pek ci.

NG'THU K'THUUK~ 18:5

Taga nak gah nak vai ah cheishoh cu kum ne, changnim’shung cu ka hman ciah kyak ci.

AMOS 6:12

Ng’se cu lungpou ah khan ah dawng man ne ang? Chang naw tuinu ah khui ah seipat awn lai thawn man ne ang? Cun ung phi nangmi naw taga nak cu m’äm tui ah nami lat ci, gei cicu nami chei sak ci.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

JAMES 5:6

Nangmi naw shetkat nak kä om ciah chang gui ng’thumcha ne nami ngawn ci, cun ung phi ngami naw kä ning ci tuba gui ci gui.

ROMAN 4:5

Chang cu amät ah bilawh om ih düt kä ngaih u ne, Khanpughi yum ne a ngaih u ah a kyak ung, Khanpughi naw ani ah yum nak cu ngaih pe ne, ani cu katnak kä om ciah m’hnüt ne k’bäi ci. A cu chaa ah Khanpughi naw chang cu düng sak ne dou ci.

AMOS 5:12

Shah aih ciah nami katnak gui la leng ba ba ne nami katnak gui cu kei naw ka hmat ci. Chang k’ni nami dukdeiu nak ci, ng’mü khawh nami lak ci, mang ah m’kawt ung dukhaih ci ghui ah gah vai ah taga nak gui cu nami shung ci.

AMOS 5:7

Nangmi cu nami ng’yiin ci, taga nak cu nami k’phiui ci, chang gui ah ami chaw cu nami m’hleei ci.

NG'THU K'THUUK~ 6:16

Bawipa naw a thüi nak, kä am hni gui mawng chih om ci, cun gui ci: yawshe na ne teng, hleei ciah m’lei, changningawn ciah kut, akshe ngaih-tüh ciah m’lung, akshe bi avai ah yangkhai ciah khaw, hleei pyen ne saksi nak la teihpüi gui ng’tuk vook sak ciah chang ah kyak ci.

1 GHANGPUGHANG GUI 21:13

Chang omshe goi naw chang ah ng’lung ung ani cu tawk ni ne, Khanpughi la ghangpughang yeeihkah nak ci nei, ci ni khäta, ani cu mang gaw k’pung ah hteh püi ne lung awn vawi ne ngawn ci gui.

NG'THU K'THUUK~ 11:1

Kä hman ciah nän nak mang cicu Bawipa naw thüi nak ci. Hman ciah khin nak cu Bawipa naw yei nak ci.

SAM 94:21

Ngami naw changni cu huut ne hnu na u ne, akat nak kä om cicu m’sih ci gui nei.

NG'THU K'THUUK~ 17:26

Ba ciah chang ng’lawh sak cicu ka ng’dung ciah kyak ci, Nik ciah chang m’kyuk cu taga nak plawh ah kyak ci.

NG'THU K'THUUK~ 31:5

Ami awk ah a kyak ung thukhän m’hnih ci gui, chang gui ah ng’yak hlü akcang cu nawng düt ci gui.

ISAIAH 5:20

Nami khaw mü ci nei! Nangmi naw akshe cu akni, akni cu akshe ah nami khü ci. Nangmi naw a hmüp cu akdei, akdei cu a hmüp ah nami m’hlat ci. Nangmi naw akha cu ak tui ah pyang u ne, aktui cu akha ah nami pyang ci.

NG’ÄI KYAH 3:35

Ani ah na pek gui ah mi k’chaw ami na maa nak gui yah ung, ani naw hmat ci.

THULÄÄN NAK 25:1

Israel chang hnih cu ani ng’cuhcan om sei yung ah gawk lawk ci goi. Tumat cu changni ah kyane tumat cu changshe ah kyak ciah m’khoichak ci gui.

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”