NG'THU K'THUUK~ 17:14 - Cho Bible Common Language 2016

¹⁴ Ng’vook shan nak ah ng’tun nak cu tuikbum a pawk hlü ah maih ah kyak ci. Ak dam ah ka ng’vook pha ung cun cu nawng vai.

NG'THU K'THUUK~ 17:14 Referans Kwoze

NG'THU K'THUUK~ 25:8

Na hmuh ah mawng pyen vai ah ang ghit aih ah yung ah kä na hteh vai, a kawn ah ahei saksi naw law ne na hma ciah a pyen ung a i ah na kyak khai aw?

NG'THU K'THUUK~ 20:3

Gu k’taak ci phung naw ng’tuk vook tün hning ci. M’tamkhah nak cu ngami ah akpung ah om ci.

1 THESSALONIAN 4:11

Ayan ä ka mi ning m’cäi gui ah mäih ah dimdeeih sei nami ghin om thei vai, chang kä khuihphaa ne nami mät ah bi ung nami khän htek vai, nami mät ah hnun nami mät naw nami m’ghin hning vai ah nami tha nak vai nei.

NG'THU K'THUUK~ 15:1

Ng’awigi ciah ng’thu naw m’lung dim sak ci, thu ashe naw m’lung so sak ci.

ROMAN 12:18

Chang nüng nüng awn ng’gei gaan ne nami om vai nei,

NG'THU K'THUUK~ 29:22

M’lungshe aih ciah chang naw ng’tukvok nak la khüikha nak akda awt ci.

NG'THU K'THUUK~ 26:21

Mei k’eh naw meicak cu ng’ai sak ci, Sing naw mei cang sak ci, Khüikha nak bik ciah chang naw ng’cuhcan nak thawh sak ci.

NG'THU K'THUUK~ 17:19

Katnak m’hni cu cumbawng nak pyan hlü nak ah kyak ci, Akphlütt ah khähghah cicu cumbawng nak k’thah ciah kyak ci.

NG'THU K'THUUK~ 16:32

M’lung sau nak cu huham mah nak ah ta ba pi ci, amat naw amat nang cicu mang gaw avan nang ciah ta ba pi ci.

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

NG'THU K'THUUK~ 13:10

Chang shedam nak ci naw a i kä gah ci, cun ung phi yaica ci. Chang ah m’cäi ngai cicu cüivai pi ci.

2 SHONTÄP NAK 13:17

Abijah la a gakap gui naw Israel gui cu ak ghuih ah tu gui u ne-Israel gui ah gakap aknipi 500,000 vai cu ngawn ci gui.

2 SAMUEL 19:41

Israel chang van ghangpughang ah hteit neta ami pyen nak cu, “Bawi mang, a i ah kyasei, kami phäi nau gui, Judah chang gui naw, ngami naw va ami ning lak ba vai, nang, na kyongchang gui la na chang gui, cu ngami naw Jordan kah nak ung va ami ngäng m’htei vai ah ami ngaih ang? cik ci gui.

NG'THU K'THUUK~ 19:11

Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.