NG'THU K'THUUK~ 17:13 - Cho Bible Common Language 2016

¹³ Akshe cu akni awn na sah ung na im k’caw ung akshe ka law hteit hlawt khai.

NG'THU K'THUUK~ 17:13 Referans Kwoze

ROMAN 12:17

Nami khan ah akshe bi lawk ciah a om ung akshe awn kä nami thung ba vai, chang gui ah maa ah ni kyom nak nami bi vai ah nami k’tha nak vai.

1 PETER 3:9

Akshe cu akshe awn kä thung ne, ak kaa cu ak kaa awn kä nami sah vai, cun nak vai sü ung m’shumphyuk nak nami peit vai, a i ah kyasei ci ung, m’shumphyuk nak cu, Khanpughi naw a ning khü gui yah ung a ning peit gui vai ah a shaitaak ah kyak ci.

SAM 35:12

Akni ka bi phung cu akshe awn na sah u sei, ka ngaih u vai maih ci nei.

SAM 38:20

Kei naw düng ci bi vai ka tha nak ah hmawk ah, akni cu akshe awn thung ciah chang gui naw, na hnu ng’tuk püi ci gui nei.

2 SAMUEL 12:10

Tuhbäi, ang shon päng ung, na hta ng’shon amshah cu ng’sai ung sik khai, a i ah kyasei ci ung nang naw ka ng’thu kä na ngai ci. Uriah ah chu phi na gut ci.

1 SAMUEL 24:17

Cun kawn ah ani naw David am, “Nang na hman ci, kei ka hma ci. Nang cu kei ah khan ah na ni aih ci, cun ung phi kei naw shin ah mäih ah a hma nang ung ka bik ci!

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.

MATTHE 27:5

Cun kawn ah Judas cu Pum im kyong ah tangka thumkip cu ghawt shüt netah hteit ba ci. Cun kawn ah a hei lam ah hteit netah gui awn ng’awk ne sik ci.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

1 SAMUEL 19:4

Jonathan naw Saul ah ma ah David cu m’tam ne a pyen cu, “Bawi aw, Na changshäm David ah khan ah chei khai ah kä na bi vai nei. Ani naw nang ung a i phi a hma kä bik ci; ang lakmah nak cu, ani naw abi phung cu nang ah phäh ah ak dämduh ah m’htei htang nak ah kyak ci.

1 SAMUEL 25:21

David naw ngai ci, a i ah kyasei, shin ah bung ah, shin ah chang ah khawh cu ka shungvong läng ang? Ani ah ka a i phi kä ka m’gu man ci, shin cu kei naw ka m’hteihtang ah phäh ah ana thung nak ah kyak ci!

1 GHANGPUGHANG GUI 21:22

Nang ah kyong khui cu Nebat ah hta ghangpughang Jeroboam ah kyongkhui ah mäih, Ahijah ah hta Ghangpughang Baasha ah mäih ah kya lawk khai, a i ah kyasei ci ung Israel gui katnak ung hteh püi gui ne kam lung shek khai ah na na thawh sak ah hmawk ah kyak ci.

NG'THU K'THUUK~ 13:21

Cheishoh ci gui cu khüikha nak naw a khaw päng ah läk gui ci. Cun ung phi düng ciah chang gui cu akni ah m’cümhnah nak gah khai gui.