NG'THU K'THUUK~ 17:12 - Cho Bible Common Language 2016

¹² A hta maih ciah khawm anu awn ng’hmuh cu akshe bi vai laih laih ah tawt ciah changshe awn ng’hmuh ah ta ba tuba ci.

NG'THU K'THUUK~ 17:12 Referans Kwoze

HOSEA 13:8

Ahta maih ciah khawm ah mäih ah kya ne nang cu ning tu ne, ka ning phyit khai. Phongkawng ah mäih ah kya ne ka ning hmuh nak ung ning lo ne, acun ung sak kyung ah mäih ah kya ne akhui akpi ah ka ning k’teek khai.

2 SAMUEL 17:8

Na pa David la a chang gui cu ng’tuk m’khüt ciah chang gui, a hta ami guh ung nget ciah khawm ah mäih ah nget ciah chang gui ah kyak ciah na hmat ci. Napa cu ng’tuk bi chüm ciah gakap ah kyak ci, ak chang gui awn a täng ah mü ah kä ip ci.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

NG'THU K'THUUK~ 28:15

Dukhaih ci gui cu uktu gi naw hnu na gui u sei amgein kaa ah kyak ci gui. Ani cu m’ngawk ciah kawng la khawm ah maih ah kyih vai ah kyak ci.

NG'THU K'THUUK~ 27:3

Lung la laigin ah gih cu, chang gu ang naw a bi hning ah khüikha nak awn m’täng vai ah kä kyak ci. P

2 GHANGPUGHANG GUI 2:24

Elisha naw ng’hlah shi gui ne, angküi ah teng gui neta, Bawipa ah ang ming ung taam gui ci. Cun kawn ah sing ghing hmu ah ka khawm anu goi lut law ni ne a hmaw phlikip-lei goi cu phyit ne htui gui ci.

NG'THU K'THUUK~ 17:11

Sih nak cu m’ghämce ciah ng’shä ah mäih ah kya ne angtäi sei leibei m’tho ciah changshe gui ah gawk lawk khai.

NG'THU K'THUUK~ 29:9

Langkha ciah chang cu chang gu ang awn ani hnungtuk cuhcan law ah a kyak ung ak gu ang cu gai ne ng’hawh ne nget ngawng lawk ci,