NG'THU K'THUUK~ 16:5 - Cho Bible Common Language 2016

⁵ Chang shedam nak ci phung cu Bawipa naw thui nak ci, Ani naw m’kyuk nak ungka ka phyawn sak gui phung khai.

NG'THU K'THUUK~ 16:5 Referans Kwoze

NG'THU K'THUUK~ 11:21

Ng’htei sei nami hmat vai cu, changshe gui cu m’kyuk nak om khai, düng ciah chang gui cu phyawng khai gui.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

JOB 40:12

Ngami cu teng gui ne tuk cha gui ä. Chang shekha gui cu ami om nak ung shudeng gui ä.

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

NG'THU K'THUUK~ 6:29

Chang hei ah chu ih püi vai cu a cun ah mäih ah kyih vai ah kyak ci nei. Acun bik ci phung cu khüikha nak gah khai nei.

NG'THU K'THUUK~ 16:4

Bawipa naw a tui pyan pang ung ang bu nak om ci, akshe ah ang bu nak cu dishum ci.

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

JEREMIAH 13:15

Israel chang gui, Bawipa naw ning pyen ah gui ci nei! M’lung neim nak awn ani cu ngai vä.

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.