NG'THU K'THUUK~ 16:32 - Cho Bible Common Language 2016

³² M’lung sau nak cu huham mah nak ah ta ba pi ci, amat naw amat nang cicu mang gaw avan nang ciah ta ba pi ci.

NG'THU K'THUUK~ 16:32 Referans Kwoze

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

NG'THU K'THUUK~ 25:28

Na m’lungshe nak kä nak üüp hlawt ah a kyak ung vongpaang kä om ciah mang gaw tuk ghet vai ah auh ciah mäih ah am gein kaa ah na kyak khai.

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

ROMAN 12:21

Shetkat nak awn kä na ng’yom men vai, akni awn akshe cu na näng vai nei.

NG'THU K'THUUK~ 19:11

Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.

SAM 103:8

Bawipa cu chimgein nak la m’hni nak awn be ci, a yäi ah kä m’lungshe ci, ng’täi ciah m’hni nak awn be ci.

EPHESIAN 5:1

Nangmi cu Khanpughi ah hta nau gui ah nami kyak ci, ani ah mäih ah om vai ah nami tha nak vai.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

NG'THU K'THUUK~ 16:19

M’lung neim nak awn om ne dukhaih nak cu, chang yoshe nak ciah kya ne, chang ah khawh ami guh ng’pai tu ah ta ba pi ci.

2 GHANGPUGHANG GUI 5:12

Damaskas ah Abana la Pharphar tuinu goi cu Israel ah tuinu ah ta ni tuba ciah kä kya ne ang? A cun ung kei ng’si ne ka gai hning ciah maw” cik ci.

NG'THU K'THUUK~ 16:31

Ghin shou nak cu dung ciah chang gui m’cümhnah nak ah kyak ci, ng’pyook ciah lusam cu huham lukhu ah kyak ci.

NG'THU K'THUUK~ 16:33

Chang gui naw Khanpughi ah ng’yak hlü hmat vai ah m’nüm shüm shüm ci gui, cun ung phi a khanpughi amät naw am shan nak m’dang ci.

THUSHÄUTU 7:8

A mawng tumat ah khüt nak cu ang tün nak ah ta bä pi ci. M’lung sau nak cu chang ah ng’shei nak ah ta bä pi ci.

NG'THU K'THUUK~ 25:15

M’lung neim skak ne ng’ge ng’pai nak naw akhüighat pikbäih acu khep hning ci, uktu gui phi lu hnga päng sak ci.

THUSHÄUTU 7:9

Nami m’lung nami k’üüp vai; ng’u hneit nak cu guktaak nak ah kyak ci.