NG'THU K'THUUK~ 16:27 - Cho Bible Common Language 2016

²⁷ Changshe gui naw chang ami m’di nak vai ah lam cu, shui ci gui, ami ng’thu m’gawng cu akshe mei ah dai ci.

NG'THU K'THUUK~ 16:27 Referans Kwoze

JAMES 3:6

M’lei cu mei awn täng ci, cheishoh nak ah phung ah kyak ci; m’lei cu pumsa ah ang pai tumat ah kya ne, shetkat nak cu pumsa avan ung gawk sak ci. M’lei cu mei ah ng’düi ne, mi ghin nak avan cu m’htei mei awn, na uih sak gui thei ci.

NG'THU K'THUUK~ 6:14

Kä ng’düng ciah m’lung awn akshe avan pawng püi ci gui. Khaw hmun päng ung ng’tuk nak thawh let sak ci gui.

ISAIAH 5:18

Nami khaw mü ci nei! Nangmi nami katnak ung ka, kä nami phyawng hlawt ci nei.

NG'THU K'THUUK~ 6:12

Akholä ah changshe kha gui cu ami hleei pyen ne ng’thu aih ci gui nei.

SAM 57:4

Kei cu chang ei ciah kawng gui ah mäih ah kyak ciah gaa gui naw nak khai ci gui. Ami ha gui cu k’htei la m’la ah mäih ah kyak ci, ami m’lei gui cu chim ah mäih ah ghaat ci.

1 SAMUEL 25:17

Shin ah mawng, na bä ni, ngaih-tüh neta, a i bi vai k’bäi ä. Shin naw mi bawi la akyong chang gui cu khüikha sak hning ci nei. Ani cu ling aih ci kya ne a u phi kä ngai ci!”

NG'THU K'THUUK~ 2:4

Cüivai nak cu ngui ghui ah mäiha ah na shui vai. Thuh ah khawh yap ah mäih ah na yap vai.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

NG'THU K'THUUK~ 16:26

Bii bik ci naw a ei nak hlü awn k’tha na aih ci, a i ah kyasei ci ung a cawi nak cu a phu vai ah ng’ya hlük ci.

NG'THU K'THUUK~ 16:28

Ng’thu she cu changshe naw k’pui ci, Cun gui naw khüikha nak thawh sak ci gui, ng’khawt nak cu m’shet sak ci gui.

NG'THU K'THUUK~ 16:30

Amik muh ne am nei k’pai cicu nami geing nak vai, ngami cu akshe ngaih tuh kheng geng ci gui.

NG'THU K'THUUK~ 19:28

Saksi ah m’hnütkbäi awn chang hnim nak ung taga nak kä om ci. Chang shekha gui naw akshe ah tuihlim nak cu m’hni ci gui.