NG'THU K'THUUK~ 16:22 - Cho Bible Common Language 2016

²² Cuivai chang ah cuivai nak cu ghin nak tui gei ah kyak ci, Cun ung phi chang gu ang gui ah tha ne ami hmuhmat nak ah akhin cu akholä ah kyak ci.

NG'THU K'THUUK~ 16:22 Referans Kwoze

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

NG'THU K'THUUK~ 13:14

Cüivai ciah m’theithang nak cu ghin nak ah tui khawng ah kyak ci. Na ghin nak kyihkyawk nak ung a gawk law ung, acun naw m’htei ne ning m’hlawt khai.

JOHAN 5:24

Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.

NG'THU K'THUUK~ 10:11

Changt ni ah ng’thu cu ghin nak ah tui khawng ah kyak ci, Cun ung phi changshe ah ng’thu ung shaishe ng’thup ci.

JOHAN 6:68

Simon Peter naw, “Bawipa, a u ah om nak ah keimi kami hteh vai ang? Nang Bawipa bäng naw vah angtäi ghin nak ah ng’thu cu na pyein ci.

NG'THU K'THUUK~ 18:4

Chang ah ng’thu cu cuivai nak ah ang yung ah kya hning ci, tuinu ah maih ah thuuk ne tuihta ah maih ah cii ci.

NG'THU K'THUUK~ 15:28

Changninaw ng’thu ka am shan pha ung ngaih tuh cang ci, changshe naw ang ghit ah ng’thu m’shang ci. Cun naw khüikha nak ung gawk sak ci.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

NG'THU K'THUUK~ 14:27

Sih nak na ng’phleng hlü ne ang? Bawipa kyih aa nak cu ghin nak tuikci ah kyak ci.

NG'THU K'THUUK~ 3:22

A cun gui naw ghin nak ning pek khai — bä nak la yei nak ah ghin nak ah kyak ci.

NG'THU K'THUUK~ 16:21

Cuivaine htingling cicu a hmuhmat ah phah ah aming thang ci, Ang thu gei law pi cicu yeikyai nak om law pi ci.

NG'THU K'THUUK~ 16:23

Lunglang ciah chang gui naw ka ami ng’thu pha ung ngaih tuh ma ci gui, ami ng’thu cu yum yei nak awn law püi ci gui.

NG'THU K'THUUK~ 18:7

Chang gu ang cu ang thu tu ung amat ah di nak vai ah ng’thu ci, Ani cu amat ah ng’thu ah cuun naw pha ba ci.