NG'THU K'THUUK~ 16:21 - Cho Bible Common Language 2016

²¹ Cuivaine htingling cicu a hmuhmat ah phah ah aming thang ci, Ang thu gei law pi cicu yeikyai nak om law pi ci.

NG'THU K'THUUK~ 16:21 Referans Kwoze

ISAIAH 50:4

Uktu Bawipa naw a i pyen vai cu nam’thei ci, Cun ah kyasei cümbawng ci cu kei naw k’tha ka pe hning ci. Ani naw ana m’theithang cu ngaih ng’yak vai ah, akhongawi tä sei na ng’dawt ng’cham sak ci.

NG'THU K'THUUK~ 15:7

Hmuhmat nak cu cuivai chang naw ng’shawng sak ci, chang gu ang naw ka ng’shawng sak hlawt ci.

NG'THU K'THUUK~ 27:9

Tui ng’ui la tui ng’ui tui naw nami m’lung ning yei sak gui ci, Cun ung phi khüikha nak naw ding gei nak cu m’shet ci.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

JOHAN 7:46

Gakap gui naw, “A u chang naw phi shin ah chang ah mäih ah ng’thu kä pyein man ci nei” cik ci gui.

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

THUSHÄUTU 12:10

Thushätu naw shungvong nak ah calung gui cu tha na ne shui ci, cun ung phi ani ah guk ah calung gui cu ni nak ah kyak ci.

NG'THU K'THUUK~ 23:15

Ka hta aw, nang na cüivai law ung kei cu ka yei aih khai.

NG'THU K'THUUK~ 10:8

Lunglang ci naw chang ah m’cäi dou ci. Ak u ang ah ng’thu cicu dishum ci.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

1 GHANGPUGHANG GUI 3:12

nang naw na k’thäh cu kei naw ka bik khai. Ayanä ka man phung la ngawi ah ka vai phung ah ta bä pi ciah cüivai nak la hmuhmat nak cu nang am ka ning pek khai.

ROMAN 16:19

Nang mi naw Thu Ni cu a i hlawk ah nami m’lung ung nami khän htek sak cu chang avan naw hmat ci nei. Cun ah kya sei nang mi ah hmawk ah ang htei ah ka yei ci. Nang mi cu ni kyom nak hmat ne lunglang ciah chang ah kya u ne, shetkat nak phiawn nak ciah nami kyak vai ah ka ng’ya hlük ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

NG'THU K'THUUK~ 16:22

Cuivai chang ah cuivai nak cu ghin nak tui gei ah kyak ci, Cun ung phi chang gu ang gui ah tha ne ami hmuhmat nak ah akhin cu akholä ah kyak ci.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

NG'THU K'THUUK~ 10:13

Lunglang cicu akbä ah ng’thu ci, gu ang ci naw m’kyuk nak gah ci.

NG'THU K'THUUK~ 10:23

Changshe cu cheishoh nak bi ne yeikyai ci, Lunglang ciah chang cu cüivai nak ung yeikyai ci.