NG'THU K'THUUK~ 16:20 - Cho Bible Common Language 2016

²⁰ Ami ning m’theithang gui cu nami dou vai, nangmi cu nami nang khai, Bawipa ung nami ng’ap vai nangmi cu nami yeikyai khai.

NG'THU K'THUUK~ 16:20 Referans Kwoze

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

SAM 34:8

Bawipa a i hlawk ah ani cu shui shüm ne hmat vä. Ani ung phyawn nak hmuk cicu yei kiai ci nei.

NG'THU K'THUUK~ 19:8

M’kumnak gah vai ah na mat na bi vai, na thei hning phung avan na ng’thei vai. Cun kawn ah na ng’thei cu na shum la vai. Cun ung na buhmang khai.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

DANIEL 6:23

Ghangpughang cu yei aih neta, Daniela cu khui ungka ami yu so tuba vai ah ng’thu k’bäi ci. Cun ah kyasei ani cu yu so tuba ci gui. Ani cu Khanpughi ung ng’ap ciah kya ne, api ah phi kä leimbai sei hmuk ci gui.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

NG'THU K'THUUK~ 8:35

Kei na hmuk ciah chang cu ghin nak hmuk ci. Bawipa cu ngami awn lünlawi khai.

SAM 146:5

Yeikyai nak om ciah chang cu, m’htei gui khai ah Jakob ah Khanpughi, Bawipa a Khanpughi ung ng’yung ciah kyak ci.

NG'THU K'THUUK~ 13:15

Lunglang ci naw chang m’sui nak gah ci, Cun ung phi kä ng’ap hning ci gui cu lam she ung hteit ci gui.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

1 SHONTÄP NAK 5:20

Ngami naw ami Khanpughi ngaih u u ne, am hteihtang gui vai ah taigü ci gui, Khanpughi naw ami taigü ngaih pe gui ne, Hakrit gui la ami khochang gui ah khan ah näng na pe gui ci.

NG'THU K'THUUK~ 17:2

Cuivai ciah chang sham naw ghawi pai ciah a bawi ah hta ah khan ah huham mah ne pakhui khawh amshah cu gha thei ci.

SAM 32:10

Changshe gui cu geinvai khai gui, cun ung phi Bawipa ung ng’ap ci cu, ng’täi ciah am hni nak awn shungvong ci.

NG'THU K'THUUK~ 13:13

Akni ah m’cäi ä nak maanak ciah chang cu khüikha nak k’thäh ciah kyak ci. Läk ciah chang cu hun nak gah ci.