NG'THU K'THUUK~ 16:2 - Cho Bible Common Language 2016

² Nang naw na bi phung cu bämcam ciah na ngai ci, Cun ung phi Bawipa naw na m’lung kyong m’khoichak ci.

NG'THU K'THUUK~ 16:2 Referans Kwoze

NG'THU K'THUUK~ 21:2

Nang naw na bi avan cu hman ciah na ngai ci. Cun ung phi Bawipa naw na m’lung ngaih ning m’khoichak ci, cicu na shüm vai.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

NG'THU K'THUUK~ 30:12

Ami mät naw ami mät theingcim ciah ngai ciah chang gui om ci gui. Cun ung phi ngami cu lelawi ci gui.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

NG'THU K'THUUK~ 24:12

Nangmi naw nami bi vai ah kyak ciah kä nami ngai khai. Cun ung phi Khanpughi naw nami m’lung ngaih cu hmat ne m’khoichak ci. Ani naw k’pang ne ning ngäng gui ci, ning hmat gui ci. Ani naw nami bi ah ciah ning m’cümhnah gui khai.

SAM 36:2

Amät naw amät m’hlüngtai ne, yei nah ne, Khanpughi naw a katnak cu kä hmuh pe ne, kä m’kyuk khai ah ngai ne yei ci.

NG'THU K'THUUK~ 5:21

Bawipa naw na bi phung cu hmuk ci nei, na hteh nak päng ah ning ngäng ci nei.

NG'THU K'THUUK~ 16:25

Dung ciah nami ngaih ah lam naw sih nak ung ning hteh pui gui khai.

DANIEL 5:27

Khiin, nang cu khiin nak ung ning khiin u sei ang htei ah na yaang aih ci;

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

1 SAMUEL 2:3

M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.

NG'THU K'THUUK~ 12:15

Chang gu ang gui naw angtäi sei ami mät hman ciah ngai ci gui. Cüivai ci naw m’cäi ä ngai ci.

KHEI NAK 22:32

Khanchang naw akthäh chah cu, “A i ah kyasei na sela thum vei na teiuh ang? Kei naw law ne na lam ka kham ci. A i ah kyasei ci ung nang cu shin ah lam ung kä na hteh ba vai kyak ci.

SUKI GUI 7:6

Akut awn tui cun ne m’leik ne awk ciah chang cu phia thum lawk ci, cun kawn ung ka chang avan naw m’khuuk dong neta tui awk ci gui.

SUKI GUI 17:6

Cun sang ung Israel ung ghangpughang kä om ci; a chang päng cu ami mät ah ngaih ah om ci gui.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.