NG'THU K'THUUK~ 16:19 - Cho Bible Common Language 2016

¹⁹ M’lung neim nak awn om ne dukhaih nak cu, chang yoshe nak ciah kya ne, chang ah khawh ami guh ng’pai tu ah ta ba pi ci.

NG'THU K'THUUK~ 16:19 Referans Kwoze

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

SAM 138:6

Nang cu khan ah na hlüngtai aih pang ung phi, Ng’nei ci gui cu na tengkhen gui ci, chang ah ng’shei ci gui cu nang ah ma ah kä ng’thup hlawt ci gui.

SAM 34:18

Thüi kyap ci gui cu Bawipa naw ng’et püi gui ci, A ngaih u nak mäih cicu hun phyawn ci.

PHYAWN NAK 15:9

Ga naw pyen ci, “Kei naw k’täm ne ka pha gui khai; ami khawh cu k’pai pe gui ne, kei naw avan ka lak khai. Ka khim phawng neta ngami ung om ci avan ka lak khai.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

ISAIAH 9:3

Nang naw dämduh ciah hüithaw nak na pe gui ci nei, BAWIPA; Nang naw na yeikyai sak gui ci. Chang gui naw ami geit ami khäm ung, kä cun ung ami guh tep ah khawh ami ng’pai ung ami yeikyai ah mäih ah, Ngami cu nang ah bi nak ung hüithaw ci gui nei.

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

SUKI GUI 5:30

“Ngami naw ami khäm vai la ami ng’pai gui vai ah khawh cu shui ci gui nei, gakap päng ah chei awn piam ah äh awi ah kyak khai nei” cik ci gui.

NG'THU K'THUUK~ 1:13

Mikmi naw khawhcham avan mi hmuk khai, mi gut tep ah khawh awn mi im mi be sak khai.

NG'THU K'THUUK~ 1:14

Keimi ah law ne ng’dawn law tu vä, mi m’gu ne mi van naw mi ng’pai khai nei’ cik khai gui.”

NG'THU K'THUUK~ 3:34

Ani naw chang shedam nak c i cu kä mang ci. Cun ung phi am lung neim sak cicu chang m’sui ci.

NG'THU K'THUUK~ 25:7

Hlüng pi ciah ngoh nak vai na k’thäh tu ah ta, küikyang tuba ciah chang am na ngoh nak na m’hnawn vai ah na pyen tu cu mä tupi ci.