NG'THU K'THUUK~ 16:18 - Cho Bible Common Language 2016

¹⁸ Chang ah ng’shei nak cu di nak ah kyak ci, chang yoshe nak cu shum nak ah kyak ci.

NG'THU K'THUUK~ 16:18 Referans Kwoze

NG'THU K'THUUK~ 11:2

Chang ah ng’shei cicu tuhbäi ge thui aa nak om khai. Cüvai pi cicu bä tu pi khai.

NG'THU K'THUUK~ 18:12

Am’lung ka ng’neim sak ciah chang cu a u naw ka chang m’sui ci. Chang omshe gui cu ami di nak vai ah lam ung om ci gui.

NG'THU K'THUUK~ 29:23

Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

1 TIMOTHI 3:6

Ani cu yum nak khäng htek pyi ciah a kyak vai, kä cun ung ani cu ta-äh law aih ne khoshe ah mäih ah m’khoichaa nak gah khai nei.

ROMAN 11:20

Nang mi ah pyein cu ng’düng ci. Ngah mi chuk pit nak gui cu Khanpughi kä ami yum ah hmawk ah kyak ci. Nang mi cu Khanpughi na mi yum ah hmawk ah ang ban ah nami kya lawk ci. Cun ung phi nang mi chang ah kä nami ng’shei vai, chang kyih aa ne nami om vai.

NG'THU K'THUUK~ 17:19

Katnak m’hni cu cumbawng nak pyan hlü nak ah kyak ci, Akphlütt ah khähghah cicu cumbawng nak k’thah ciah kyak ci.

ESTA 6:6

Cun ah kyasei Haman cu lut law khäta, ghangpughang naw a pyen nak cu, “Kei naw ka m’tamkhah hlü aih ah chang tumat om ci, ani ah phäh ah a i ka bi ung nik khai ang? Haman naw ngai neta, ghangpughang naw kei namtamkhah hlu ngai ci, cik ci.

ESTA 7:10

Cun ah kyasei Mordekai m’awh nak vai ang lin ah ng’awh tung ung Haman cu m’awh ci gui. Cun ung ghangpughang ah m’lungshe nak cu diim ci.

DANIEL 5:22

Cun ung phi nang, aning hta cu, cun gui avan na hmat pang ung phi, na m’lung kä na neim sak ci.

ISAIAH 37:38

Hnüüp ät ung ani naw a khanpughi Nisrok cu a Taigüim ung a khawihnah sang ung a hta hnih ah kyak ciah Adrammelech la Sharezer naw ami cu ani khimsem awn ngawn ni neta Ararat kho ah phyawng ne om ci goi. Ahei a hta gui ung ka Esarhaddon cu ghangpughang ah ngo ba ci.

ESTA 3:5

Mordekai naw ani ah ma ah kä ka m’kukdong khai, kä ka kawp khai a ci cu, Haman naw ng’ya neta ang htei ah m’lungshe ci.

DANIEL 5:24

Cun ah kyasei Khanpughi naw shin ah ca lung gui guk khai ah kut a tüih law ah kyak ci.

MATTHE 26:74

Peter naw, “Kei naw cun ah chang cu kä ka hmat ci nei, ka hleei ka pyein ung Khanpughi naw na hmu sä,” cine pyein ne ma ba mä ci.

1 SAMUEL 17:42

David cu hmu law ne ng’htei neta, ani cu a i ah phi kä sui ci, a i ah kyasei ci ung ani cu nong ne, kyom hta ci.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

JEREMIAH 49:16

Chang aha nami ng’shei nak naw ning m’hleei hlak gui khai. Chang gui naw nangmi naw ami kyak vai nami ngaih hlawk ah kä ning kyih gui khai gui. Nangmi cu lung song gui ah khan, m’htung hlüng gui ah khan ung nami om khai; cun ung phi nangmi cu hmu ki ung ah mäih ah ah lüng nak ung nami om ung phi Bawipa naw ning yuk cha ba gui khai. Bawipa naw a pyen nei.”

EZEKIEL 29:9

Egypt cu chang ah kä om nak a ghawng ah kyak khai. Cun kawn ah nangmi naw kei cu Bawipa ah nami na hmat khai. Nang naw Nile tuinu cu, na kaa na pyan ah na pyen ah phäh ah

SUKI GUI 11:28

Cun ung phi Ammon ghangpughang naw Jephthah ah ng’thu m’shäk cu a i ah phi kä m’hlam ci.

JEREMIAH 50:32

Khäh ghah ciah na pakhui khaw cu ng’lat ne kiuk ci nei, a u naw ka ning m’tho tuba ci nei. Nang ah mang gaw gui cu mei awn m’khih ne, a pei yung ah om ci ng’nü cu ka m’di khai nei.”

EZEKIEL 28:17

Nang cu na kyom nak awn na khähghah ci, na ming thang nak naw akgu ah mäih ah ning hnün thawh sak ci. Acun ah phäh ah kei naw nang cu m’dek ung ning chah ne, ahei ghangpughang gui ah phäh ah ng’thu bäi ah kyak khai ah ka ning nawng ci.

DANIEL 11:12

Ani cu a näng ah phäh la chang akda a ngawn ah phäh ah chang ah ng’shei khai, cun ung phi ani cu k’täi ne kä näng hlawt khai.

LUKA 14:9

im mah naw nang ah law ne, khin ah ngoh nak vai ng’nawn tu pe ä, ci lawk khai. Cun ung nang cu ng’aa ne ang neim nak ung na ngo ba khai.