NG'THU K'THUUK~ 16:16 - Cho Bible Common Language 2016

¹⁶ Cuivai nak la lunglang nak cu ghui la ngui ah ta ba pi ci — ba pikbähih ci.

NG'THU K'THUUK~ 16:16 Referans Kwoze

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

NG'THU K'THUUK~ 8:19

Kei ah nami gah cu ghui akni ah ta bä pi ci; ngui akcüm ah ta ni pi ci.

THUSHÄUTU 7:12

a cun naw ngui naw m’lung üp nak a pek ah mäih ah ning pek khai. Cüivai nak naw ning phyawn sak ci — cun cu hmuhmat nak ah abä nak ah kyak ci.

NG'THU K'THUUK~ 4:7

Cüivai nak gah cu aküikyang pi nang ah bi vai ah kyak ci, na gah phung cu na m’lung kyong ung na tha vai.

LUKA 12:21

Cun kawn ah akhnu ah Bawipa Jesuh naw, “Ngui ghui khawhchaam akda am küm ung phi, Khanpughi ah maa ah ghawipyam ciah chang cu, ashin ah bühmang ciah chang awn täng ci nei” cine m’thein gui ci.

SAM 119:127

Kei naw na thumkhän cu ghui ah ta ka m’hni pi ci, Ghui k’ni ah ta ka m’hni pi ci.

NG'THU K'THUUK~ 3:14

Cüivai nak gah cu ngui gah ah ta bä pi ci. Cun cu ghui ah phi bä pi ci.

NG'THU K'THUUK~ 4:5

Cüvai nak gah vai ah na m’lung ung na tha vai, ka pyen cu kä na m’hnih vai kä na nawng en vai.

NG'THU K'THUUK~ 2:4

Cüivai nak cu ngui ghui ah mäiha ah na shui vai. Thuh ah khawh yap ah mäih ah na yap vai.

NG'THU K'THUUK~ 3:13

Cüivai nak hmuk ciah chang, lunglang nak gah ciah chang cu yeikyai nak om ci.