NG'THU K'THUUK~ 15:9 - Cho Bible Common Language 2016

⁹ Bawipa naw changshe gui ah lam cu thui nak ci, cun ung phi dung nak bik ciah chang cu m’hni ci.

NG'THU K'THUUK~ 15:9 Referans Kwoze

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

NG'THU K'THUUK~ 21:21

M’gein nak la düng nak awn na om ung, nang cu akshou na ghing khai, Chang hei gui naw ning chang m’sui u ne bä sei ning bawihmau khai gui.

MATTHE 7:13

‘Ng’hteik ciah m’kawt ung lut tu vä, m’hteikho ah hteh nak ah lam la m’kawt cu ng’shawng ciah kyasei, cun ah lam ung hteit ci gui cu da ci gui.

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

HOSEA 6:3

Bawipa cu mi hmat vai ah mi tha nak khai nei. Khaw a thaih law vai cu ahmat phyat ah mäih ah khomdek khan ah tui long khai ah kho a aa vai a hmat phyat ah mäih ah ani cu mik ah lawk khai nei.”

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

2 TIMOTHI 2:22

Ak hmaw chang gui ah hüithaw nak cu hlawi ne, Bawipa ah m’lungtheing awn taigü ci gui awn a täng ah düngdau nak, yum nak, m’hni nak la dimdeih nak gui cu na shui vai nei.

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

ISAIAH 51:1

Bawipa naw pyen ci, “Na ngai vä, hun phiawn vai ng’ya hlük ci gui, m’htei vai ah kei ah lawk ci gui. Nami law nak te ah lungk’pou, ami ning cawh nak gui te ah lungkhui cu nami ngaih tüh ba vai nei.

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.

NG'THU K'THUUK~ 21:8

Cheishoh ciah chang gui cu lam she ung hteit ci gui, katnak kä om ci gui naw hman ci bik ci gui.

NG'THU K'THUUK~ 21:4

Chang shekha gui cu chang om nak la yoshe nak naw k’pang gui ci. Cun cu katnak ah kyak ci.

NG'THU K'THUUK~ 4:19

Chang shekha gui ah hteh nak ah lam cu khawmü ah mäih ah hmüp ci. Ami ng’tän ung phi ami ng’vawn nak cu kä hmuk ci gui.

SAM 1:6

Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.

THULÄÄN NAK 7:13

Ani naw ning m’hni gui ne, ning phyuh-theh gui khai. Cun ah kyasei nangmi cu nami da lawk khai. Nami htanau phi da khai. Ani naw nami lo lai gui cu hriham pek khai. Cun ah kyasei nangmi ung htang ni, sapyit ni, oliv situi ni om khai. Ani naw seipat gui la htome gui akda ning pe gui ne hriham ning pe gui khai. Ani naw a ning pek gui vai ah nami pupa gui am a shaitak ah shin ah hriham avan cu ning pe gui khai.

SAM 139:24

Kei ung akshe a pi hta a om ung phi na hmuh peä, angtäi ghin nak ah lam cu na m’shüm ä!

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

NG'THU K'THUUK~ 15:10

Nang cu cheishoh nak na bi ung akda vei m’kyuk nak na gah khai. Na mät naw na mät kä na m’shung düng ung nang cu na sik khai.

SAM 5:5

Nang cu chang k’awm ci gui täng ah kä na ng’düi ci; Nang naw changshe gui avan cu na thüi nak ci.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.