NG'THU K'THUUK~ 15:5 - Cho Bible Common Language 2016

⁵ Apa ah m’thei hnu nak cicu chang gu ang ah kyak ci. Apa ah m’shumthein dou cicu cuivai ciah kyak ci.

NG'THU K'THUUK~ 15:5 Referans Kwoze

NG'THU K'THUUK~ 13:18

A i kä ng’theithang cicu dukhaih nak la khüikha nak om ci. M’shungdüng nak ngai ciah chang cu chang m’sui nak om ci.

NG'THU K'THUUK~ 13:1

Cüvai ciah htapa naw apa ah m’shungdüng cu ngai thei ci. Cun ung phi a i kä tä ciah chang naw akat nak kä ng’kiaa hlawt ci.

NG'THU K'THUUK~ 19:20

Nang naw m’cumcäii nak na ngaih ah a kyak ung, na ng’thei hlü ah a kyak ung, khaw hnüüp at ung na cuivai khai.

TITUS 2:15

Shin ah a mawng cu m’theithang gui ne, thagui na peit nak gui la nam cäi m’ä nak gui ung, na huham cu ak be ah na mang vai nei. A u chang naw phi nang cu kä ning yokshe en ah sä.

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

NG'THU K'THUUK~ 10:1

Shin gui cu Solomon ah thuthuuk gui ah kyak ci: Cüivai ciah hta nau naw apa yei sak ci. Gu-ang ciah hta nau naw anu thüi sak ci.

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

NG'THU K'THUUK~ 1:23

Kei naw ka ning huttaap gui cu ngai vä! Kei naw akni ah ka ning m’cäi gui khai, ka hmuhmat nak ka ning k’pai gui khai.

SAM 141:5

Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

NG'THU K'THUUK~ 25:12

Ngai yak hlü ciah chang am hmuhmat nak om ciah chang ah pek ah m’shümthein nak cu, ghui kutcüp, kä ung, ghui akni awn pyan ah cünglung ngamä a phu küi pi ci.

NG'THU K'THUUK~ 15:4

Ng’awigi ciah ng’thu naw ghin nak law pui ci. M’gak ciah ng’thu naw mümcha m’di ci.

NG'THU K'THUUK~ 15:6

Dung ciah chang naw a khawh kham ci, Cun ung phi khüikha nak a gawk law ung changshe naw a khawh m’di ci.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.