NG'THU K'THUUK~ 15:32 - Cho Bible Common Language 2016

³² Theithang vai maa nak ciah chang cu amat naw amat nat sak ciah kyak ci. M’shungdung nak dou ciah chang cu cuivai law pi ci.

NG'THU K'THUUK~ 15:32 Referans Kwoze

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

ISAIAH 1:5

A i ah kyasei nangmi naw nami hnu ng’tuk püi lä ang? Nangmi naw m’kyuk nak nami ng’ya ba hlü mä ne ma? Israel gui, nami lu cu hmaleim bäng ah kyak ci, nami m’lung la ngaih cu gaw pai pyi ci nei.

NG'THU K'THUUK~ 18:15

Lunglang ciah chang cu angtai sei ci gang ne ng’thei ge vai ah om ci.

JAMES 1:22

Thucim nami ngaihyak nak tu düt awn kä nami hleeihlak-en vai nei; cun ah thu cu akcang ah nami mang thei vai nei.

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

NG'THU K'THUUK~ 17:16

Chang gu ang naw ca ng’thei nak vai ah phah ah ngui a mang cu ka nik ci, a i ah kyasei ci ung ani ung ng’yak hlü nak ka om ci.

NG'THU K'THUUK~ 15:21

Chang shekha gui cu ami gu ang nak awn yeikyai ci gui, Cun ung phi cüivai ci naw dung nak bik ci.

NG'THU K'THUUK~ 15:14

Lunglang ciah chang cu theithang hlük ci, cun ung phi chang shekha gui cu ami katnak awn ng’buh ci gui.

SAM 50:17

Ka ning m’cäi phi kä na ng’yak ci, ka thu phi na hnu nak ci.

THULÄÄN NAK 21:20

Ngami naw ami pyen nak gui vai cu, “Kami hta cu linglai ci, hnungtuk ci, kei mi kä na ngai gui ci, ani cu ngui pyi yawp ci, awktat ci.

THULÄÄN NAK 21:18

“Chang tumat ung a htapa tumat om ci, ani cu lingkeng ne hnungtuk ciah chang ah kyak ci. Ani cu a nupa gui naw tuthat u sei phi ng’thu kä ngai ci.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

NG'THU K'THUUK~ 13:18

A i kä ng’theithang cicu dukhaih nak la khüikha nak om ci. M’shungdüng nak ngai ciah chang cu chang m’sui nak om ci.

NG'THU K'THUUK~ 15:5

Apa ah m’thei hnu nak cicu chang gu ang ah kyak ci. Apa ah m’shumthein dou cicu cuivai ciah kyak ci.

NG'THU K'THUUK~ 15:31

M’shungdung nak ngaih nak cicu cuivai chang ah kyak ci.

NG'THU K'THUUK~ 15:33

Bawipa kyih aa nak cu hmuhmat nak ah kyak ci, m’lung neim nak ah a hnu ah m’tamkhah nak om kheng geng ci.

THUSHÄUTU 7:5

Cüivai ciah chang ah m’cäi m’ä nak cu, chang gu k’taak ah m’hlüngtai nak ah ta bä pi ci.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

NG'THU K'THUUK~ 10:17

Chang ah m’cäi ngai ciah chang cu ghing khai, a cheishoh nak kä ng’yu ciah chang cu, kyihkyawk nak ung gawk khai.

NG'THU K'THUUK~ 19:20

Nang naw m’cumcäii nak na ngaih ah a kyak ung, na ng’thei hlü ah a kyak ung, khaw hnüüp at ung na cuivai khai.