NG'THU K'THUUK~ 15:30 - Cho Bible Common Language 2016

³⁰ Hmai kiang nak naw chang yeikyai sak ci, ng’thu ni naw m’lung yei sak pi ci.

NG'THU K'THUUK~ 15:30 Referans Kwoze

ISAIAH 58:11

Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.

NG'THU K'THUUK~ 25:25

A sho nak kho ah kaa ngh’thu ni ng’yak cu kho hu sei tui gha neta tui ak gei awsk ah mäih ah kyak ci.

THU PHLAAN 22:5

Khaw amünak kä om ba khai. Mei im la hni ng’shü kä hlü ba khai, a i ah kyasei ci ung Bawipa Khanpughi cu ngami ah akdei ah kiak khai, ngami naw ghangpughang ah kya ne ngawi yä uk khai gui.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

THUSHÄUTU 11:7

Kho hnüüp ah akdei ung yeikyai tu cu nik ci nei.

NG'THU K'THUUK~ 17:22

Yeikyai hmai kyang naw gai nak pek ci, akphlütt ah hmai m’kyum ung sih nak ng’et ci.

NG'THU K'THUUK~ 13:9

Düng ciah chang cu pyü ne ng’shü ciah akdei ah mäih ah kyak ci. Cun ung phi chang shekha cu phät lawk khai ah mei im ah mäih ah kyak ci.

SAM 89:15

Ng’äi m’cu ne ning khawihnah ci gui cu Na m’hni nak ah akdei ung om ci gui cu yeikyai aih ci gui nei!

EZRA 9:8

Tuhbäi akhin aktawi ung, O Bawipa, Kami Khnapughi, nang cu keimi ah khan ah na bä ci nei. Keimi amshah cu khlei htein ungka na nak phyawn sak gui ci. Shin ah theingcim ciah hmun ung phyawng ne na na om sak gui ci. Nang naw khleihtein ungka nak phyawn gui ne, ghin nak ak thai na na pe gui ci.

NG'THU K'THUUK~ 3:8

Cun ah na bi ung cun cu seitui ni ah kyak khai, na khei ning khan sak ne, na m’nen ning gei sak khai.

NG'THU K'THUUK~ 15:29

Changni ah taigu cu Bawipa naw ngaih pek ci, cun ung phi changshe gui cu nawng gui ci.

NG'THU K'THUUK~ 15:31

M’shungdung nak ngaih nak cicu cuivai chang ah kyak ci.

NG'THU K'THUUK~ 12:25

Ng’ä ai nak naw na yeikyai nak ning gut khai. Cun ung phi m’hni nak ah ng’thu naw hmai ning kiang sak khai.