NG'THU K'THUUK~ 15:28 - Cho Bible Common Language 2016

²⁸ Changninaw ng’thu ka am shan pha ung ngaih tuh cang ci, changshe naw ang ghit ah ng’thu m’shang ci. Cun naw khüikha nak ung gawk sak ci.

NG'THU K'THUUK~ 15:28 Referans Kwoze

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

NG'THU K'THUUK~ 29:11

Chang shekha gui naw ami m’lunhshe nak cu m’dang ci gui, Langkha ciah chang gui naw cun ah mäih cu m’lung sau u ne, pang ne m’hlat ci gui.

THUSHÄUTU 5:2

Kä ng’thu pha ung ngaih-tüh ma vai, Khanpughi ah akten ah shai kä tak vai. Ani cu khankho ah om ci, nang cu khomdek ung na om ci. Cun ah kyasei, pyen khin vai ah kawn ah däm khai ah kä nami ng’thu vai.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

THUSHÄUTU 5:6

Bü ne ka bi ah kä kyak ci nei, ciah Khanughi ah taigü ah ma ah na pyen awng vai ah na mät ah ng’thu naw katnak ung kä ning gawk en püi sä. A i ah kyasei Khanpughi naw aning m’lungshe nak vai ah na bi ang? Nang naw na bi gui cu a i vai na m’dishum sak ang?

NG'THU K'THUUK~ 29:20

Kä ngaih-tüh ah ng’thu ng’htau ci cu, ak gu ang ah ta a ngaih u nak kä däm tuba ci.

NG'THU K'THUUK~ 16:23

Lunglang ciah chang gui naw ka ami ng’thu pha ung ngaih tuh ma ci gui, ami ng’thu cu yum yei nak awn law püi ci gui.

NG'THU K'THUUK~ 13:16

Lang kha ciah chang gui cu a i kä ami bi pha ung angtäi sei ngaih-tüh ci gui. Cun ung phi chang gu ang naw a cheishoh nak cu dang sak ci.

NG'THU K'THUUK~ 10:19

Akda ah ng’thu ung katnak om ci, cüvai ciah chang cu adüm ah om ci.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

SAM 59:7

Ami ni ng’hawh shak shai la cu ngai tu vä. Ami m’gawng m’lei cu chim ghaat ah mäih ah kyak ci, cun ung phi ami ng’htau a u naw kä ng’yak ciah ngai ci gui.

NG'THU K'THUUK~ 10:32

Düng ciah chang gui naw akni ah ami ng’thu vai hmat ci gui, Cun ung phi changshe gui cu angtäi sei akshekha ah ng’thu ci gui.