NG'THU K'THUUK~ 15:27 - Cho Bible Common Language 2016

²⁷ Ka dung nak awn khawh gah vai ah bik ci naw a kyong khui geinvai sak ci, ng’mu khawh ka dou cicu a ghin nak shou ci.

NG'THU K'THUUK~ 15:27 Referans Kwoze

NG'THU K'THUUK~ 1:19

Gut tep ah khawh naw gut tep ci gui ah ghin nak cu m’dang ci. A cun naw gut tep cicu m’sih ci.

PHYAWN NAK 23:8

Ng’mü khawh kä na dou vai, ng’mü khawh naw chang ah düng nak kat sak ne, changni ah mawng ng’chei sak ci.

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

NG'THU K'THUUK~ 11:29

A kyong khui ung khüikha nak gawk law sak ciah chang cu, ak hnu ah akholä ma nak khai. Ang lam ciah chang cu angtäi sei cüivai ciah chang ah changshäm ah kyak khai.

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

PHYAWN NAK 18:21

Cun kawn ah bä ciah chang gui cu ghü gui ne, chang gui ah ng’vai ah na hmoh gui vai; phia gha uk, phia uk, hmakip uk, gha uk: ngami cu Khanpughi kyih aa u ne, ngaih gep vai ah chang, kä ei hlü mang phya ciah kyak khai gui.

NG'THU K'THUUK~ 29:4

Ghangpughang naw taga nak ak tung ah abi ung akho akchang khüighat ci. Ngui ktung na ne abi ung a khaw akchang di sak khai.

NG'THU K'THUUK~ 28:16

Am lung ngaih ka nik ciah uktu cu m’ghämce ci, Ng’dung nak ka om ciah uktu naw ak shou uk ci.

NG'THU K'THUUK~ 20:21

Zai pi ciah na gah ah khawh naw ken pi ciah ni nak ning pek khai.

NG'THU K'THUUK~ 11:19

Hman ci bi vai ah k’bäi cicu ghing khai, hma ci bi vai ah ling cicu sik khai.

2 GHANGPUGHANG GUI 5:27

Tuhbäi Naaman ah gaw nak cu nang ah khan ah gawk sä, nang la nang ah hta ng’shon cu ngawi yä a cun ung gaw vä!” cik ci. Kehazi cu a hteh ba vai am, ani ung gaw nak gawk sei ani ah vun cu khüi toi ah mäih ah bawk ci.

JOSHUA 6:18

Cun ung phi m’di vai phung cu api phi kä nami lak vai, nami lak ah a kyak ung khüikha nak la dishum nak cu Israel chang phung ung nami law püi ciah kyak khai.

THULÄÄN NAK 7:26

Cun ah a gup gui ci api ah phi nami im ah kä nami law en püi vai. Cun gui ah khan ah om ciah plah tam nak cu, nangmi ah khan ah gawk lawk khai. Nangmi naw cun gui cu thüi na u ne, cun ah a gup gui cu nami päipih vai, a i ah kyasei ci ung ngami cu Bawipa naw a plah tam gui ah kyak ci.

1 TIMOTHI 6:9

Bühmang hlük ciah chang gui cu tüihtok nak gah thei ci gui nei, ngami cu m’ghämce ne shetkat nak ah ng’yak nak hlü naw pha gui thei ci nei, cun ah yak hlü nak naw ngami cu didap sak gui thei ci nei.

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

NG'THU K'THUUK~ 15:26

Bawipa naw m’lung ngaih akshe cu thui nak ci, cun ung phi teihpüii ng’thu cu yei nak ci.

NG'THU K'THUUK~ 23:4

Bä ciah na cüivai vai. Bühmang vai ah kä na tha nak aih vai.

NG'THU K'THUUK~ 28:25

Mäthnga kä ngaih nak naw yaica nak law pui ci. Nang cu Bawipa ngaih gep ne na om ung ba pi khai.

1 GHANGPUGHANG GUI 2:40

ang sela ung ng’cum ne, a changshäm gui shui ba khai ah Achish ghangpughang ah om nak Kath ah hteit ci. Ani naw hmu goi neta a im ah law püi ba goi ci.

SAM 15:5

A api thum ah lak vai ah ngui kä ng’pu ci, changni gui ah mawng akshe ah ami pyen nak vai ah ngui kä lak ci, angtäi sei phyawng gai ci.