NG'THU K'THUUK~ 15:25 - Cho Bible Common Language 2016

²⁵ Bawipa naw chang shekha ah im cu m’di khai, cun ung phi hmeinu ah khawh cu ngang pek khai.

NG'THU K'THUUK~ 15:25 Referans Kwoze

SAM 146:9

Ani naw mi kho ung om tuk ciah khin gui cu shungvong gui ci; Ani naw hmeinu gui la hmei hta gui cu m’htei gui ci, cun ung phi changshe gui cu ami di vai ah m’shet gui ci.

NG'THU K'THUUK~ 23:10

Ng’giilung phyim cu kä nami m’hnawn vai. Hmeihta ah khaw hmun cu kä nami guh pek vai.

NG'THU K'THUUK~ 14:11

Changshe ah im cu adi kawn ah phi changniah im cu ng’dui ba la khai.

NG'THU K'THUUK~ 12:7

Changshe gui naw yungkiak nak bui ci gui, cun ung phi düng ciah kyong khui gui cu ghing ne ng’shon ci gui.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

DANIEL 5:20

Cun ung phi ani cu chang ah ng’shei ne, am lung ling ne, m’ghämce law khäta, bawi mang kiang ungka m’hnawn u sei, m’tam nak ah hmun cu hteh tak ciah kyak ci.

ISAIAH 2:12

A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

SAM 138:6

Nang cu khan ah na hlüngtai aih pang ung phi, Ng’nei ci gui cu na tengkhen gui ci, chang ah ng’shei ci gui cu nang ah ma ah kä ng’thup hlawt ci gui.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

SAM 52:5

Cun ah kyasei nang cu Khanpughi naw ning m’shet lä khai; Nang cu ning pang ne na im ung ka ning täm ne, A hnun ghing ah om nak ah kho ung ka ning k’plon khai.

THULÄÄN NAK 19:14

Nami pei leng ah khawgii cu kä nami m’hnawn vai. Cun cu Bawipa nami Khanpughi naw a ning pek gui ah khaw ung cau pui ami lin ah kyak ci.

SAM 52:1

M’gäi ciah chang shetkat nak awn a i ah kyasei na khähghah ang? Khanpughi ah bekhüt nak cu ng’lang täi ci nei.

NG'THU K'THUUK~ 15:26

Bawipa naw m’lung ngaih akshe cu thui nak ci, cun ung phi teihpüii ng’thu cu yei nak ci.

JOB 24:21

Cun ah a kyak law cu ani naw hmeinu gui yokshe na gui ne, a hta kä om, ciah hnumi gui kä am gein ah phäh ah kyak ci.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

ISAIAH 1:17

Ak ni bi vai ah ng’thei vä. Taga ciah bi cu nami teng vai — ami shedam nak cu nami m’hteihtang vai, hmei hta guiam ak chaw nami pek vai, hmeinu gui nami shungvong vai.”

JEREMIAH 5:28

Akni ei aw u ne plan sa ci gui. Akshe ah ami hnun thawh nak ung m’hnüt k’bäi nak kä om ci. Hmei hta gui am ami gah vai ah chaw kä pek ci gui, ami shedam nak gui amtaga nak kä pek ci gui.