NG'THU K'THUUK~ 15:21 - Cho Bible Common Language 2016

²¹ Chang shekha gui cu ami gu ang nak awn yeikyai ci gui, Cun ung phi cüivai ci naw dung nak bik ci.

NG'THU K'THUUK~ 15:21 Referans Kwoze

EPHESIAN 5:15

Cun ah kyasei nami ghin nak cu nami geing nak vai nei, chang gu k’aang ah mäih ah kä om u ne, chang lunglaang ah mäih ah nami om vai nei.

NG'THU K'THUUK~ 10:23

Changshe cu cheishoh nak bi ne yeikyai ci, Lunglang ciah chang cu cüivai nak ung yeikyai ci.

NG'THU K'THUUK~ 14:16

Cuivai ciah chang naw khüikha nak phyawn nak vai ah geing na ne om ci, Cun ung phi chang anglam cu a i ka geing na ne ang ghit ah hnüntho ci.

NG'THU K'THUUK~ 14:9

Chang gu ang naw ani ah ma kat a i ah ka ngai ci. Cun ung phi chang gui naw m’geinsei vai ng’ya hlauk ci gui.

NG'THU K'THUUK~ 11:12

Chang gu ang naw chang hei gui ah mawng akshe ah pyen ci, lulang ciah chang cu a düm hta ah om ci.

JAMES 3:13

Nangmi ungka cüivai ne hmuhmat ciah chang tumatmat a om ah a kyak ung, akni ah aghin nak la akni ah a om ih nak cu m’lung neim nak la Lulang nak awn dang sak sä.

SAM 111:10

Khanpughi kyih aa nak cu cüivai nak ah lam ah kyak ci; Ani ah thumkhän läk ciah chang phung-am gei ciah m’khoi cha nak cu pek ci. Ani cu angtäi sei m’taam nei.

JOB 28:28

Khanpughi naw chang gui pyen na gui ci, “Nami cüivai vai nei, Nangmi naw Bawipa cu nami chang m’sui vai nei. Nami hmat vai cu, nangmi cu akshe ungka nami ng’hlah law ba vai.”

NG'THU K'THUUK~ 14:8

A i ah kyasei lunglang ciah chang a vuivai ang? A i ah kyasei ci ung ani naw ai a bi vai hmat ci. A i ah kyasei ang lam ciah chang a gu ang ang? A i ah kyasei ci ung ani naw a hmat hta bang ngaih tuh ci.

NG'THU K'THUUK~ 15:22

M’cäi ä nak avan dou ci naw näng nak gah ci, kä dou cicu shum nak ung gawk ci.

NG'THU K'THUUK~ 4:25

Bä ciah m’lung yum ne ma lam ung düng sei na teng vai. Na hmai kä na thui ng’aa sak vai

NG'THU K'THUUK~ 4:26

Na bi vai cu geing na ne na pawng püi vai. Na bi phung cu hman ne ng’damng khai.