NG'THU K'THUUK~ 15:19 - Cho Bible Common Language 2016

¹⁹ Dam ciah chang gu a gawk nak phung ah khüikha ci, düng ciah chang cu geinvai nak kä om ci.

NG'THU K'THUUK~ 15:19 Referans Kwoze

ISAIAH 35:8

A cun ung lam ng’kiung nu om khai, cun cu “Theingcim khaw ah Hteh nak lam” ah pyen ci gui. Kat nak bik ciah chang phung cun ah lam ung kä hteit tuk khai; A u akgutak naw phi cun ah lam ung hteit cicu lam hma khai ah kä m’shüm khai.

ISAIAH 30:21

Nangmi cu lam hma u ne k’eng täng ni mä, k’pat täng ni mä nami ci law ah a kyak ung, nangmi naw nai hnu ah ani ak’aw nami ng’yak khai, “lam shin ung nei. Shin ung hteit vä” cik khai nei.

NG'THU K'THUUK~ 22:5

Na hnun gui na m’hni ah a kyak ung alam päng ung changshe gui phak ciah cuun awn ng’shawng khai ah na om vai nei.

NG'THU K'THUUK~ 26:13

A i ah kyasei dam ciah chang cu im ah akpung ah kä luh law ah a om ang? Ani naw a i ang a kyih, phongkawng ang?

NG'THU K'THUUK~ 22:13

Chang dam cu im ah om ci, k’pung ah ka luh law ung phongkawng naw na lo khai, cik ci.

NG'THU K'THUUK~ 8:9

Cun gui ah kyong ung cun gui avan cu hteicha ci. Akbä ah pyensak avan cu ng’kheing ci.

SAM 27:11

Bawipa, na ng’yak hlü ka bi vai ah, nam thei ä, phyawn nak ah lam düng na m’shüm ä. Kei cu ka gaa da aih ci nei.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

SAM 25:12

Bawipa chang m’sui ci gui naw, ami läk vai ah lam cu ng’thei ci gui nei.

SAM 5:8

Bawipa, kei cu ka ga da aih aih ci nei! Na ng’yak hlü ka bi vai ah lam na m’shüm ä; Ka ning läk vai ah na lam na pyan pe ä.

ISAIAH 57:14

Bawipa naw pyen ci, “Ka chang gui kei ah law ba u sä. Ami lam ung ng’vawntam nak gui vai phung cu nawt heng vä. Lam phi co vä, pyang ge vä!

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

NG'THU K'THUUK~ 15:20

Cüivai ciah hta naw apa yeikyai sak ci, chang awng ang naw anu päipih ci.

NG'THU K'THUUK~ 6:6

Chang dam, m’ling ah hteit ne, ghin nak ah mawng na ng’thei vai,

NG'THU K'THUUK~ 11:5

Düng nak naw changniah ghin nak cu bä sak pi ci. Cun ung phi chang shekha naw amät ah kiuk ng’tän nak vai bik ci.