NG'THU K'THUUK~ 15:15 - Cho Bible Common Language 2016

¹⁵ Dukhaih ciah ghin nak cu cumbawng nak ah kyak ci, Cun ung phi yeikyai ciah chang cu yeikyai nak awn ghing ci.

NG'THU K'THUUK~ 15:15 Referans Kwoze

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

ROMAN 12:12

Nami ngaih u om ci kya sei nami yeikyai vai, yaica geinvai nak nami aut law ung hnimgein nak om sä, angtäi sei nami k’taigü vai nei.

NG'THU K'THUUK~ 15:13

Chang gui cu ami yei yah ung hmai kiang ci gui, ami thüi law ung ami hmai m’kyum ci gui.

NG'THU K'THUUK~ 17:22

Yeikyai hmai kyang naw gai nak pek ci, akphlütt ah hmai m’kyum ung sih nak ng’et ci.

ROMAN 5:11

Cun bäng ah kä kyak ciah Khanpughi naw mikmi cu, Bawi Khrit ung a teihpüi ah ana pyan gui pyi ah kya sei, yeikyai nak phi mi gah ci.

2 KORIN 1:5

Mikmi naw Bawi Khrih ah aut ah, da aih ciah geinvai nak cu mi aut tu ah mäih ah Bawi Khrih ung Khanpughi ah na peit gui ah m’htei nak cun phi mi gah ci.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

1 PETER 4:13

Nangmi cu Bawi Khrit ah geinvai nak nami ng’pai püi ciah kyasei, nami yeikyai vai nei, cun ung vah Bawipa bämang nak awn a kyum law ba hnüüp ung, nangmi cu yeikyai nak awn nami kümbe khai.

NG'THU K'THUUK~ 16:22

Cuivai chang ah cuivai nak cu ghin nak tui gei ah kyak ci, Cun ung phi chang gu ang gui ah tha ne ami hmuhmat nak ah akhin cu akholä ah kyak ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

ATÜNNAK 47:9

Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

ATÜNNAK 37:35

A hta gui pami hnumi ami van naw m’cäi u sei phi, maa na gui ne, “Ka hta ah a hteh nak ah m’htei khaw ah ka hteit khai nei” cine Joseph ah hmawk ah thüi kyap ci.

NG'THU K'THUUK~ 15:14

Lunglang ciah chang cu theithang hlük ci, cun ung phi chang shekha gui cu ami katnak awn ng’buh ci gui.

NG'THU K'THUUK~ 15:16

Dukhaih ne phi Bawipa kyih aa cicu bühmang neta geinvai ciah ta bä tu ba ci.