NG'THU K'THUUK~ 15:14 - Cho Bible Common Language 2016

¹⁴ Lunglang ciah chang cu theithang hlük ci, cun ung phi chang shekha gui cu ami katnak awn ng’buh ci gui.

NG'THU K'THUUK~ 15:14 Referans Kwoze

NG'THU K'THUUK~ 9:9

Cüivai ciah chang na ng’thu püi ung, cüivai law pi khai. Düng ciah chang na m’thein m’kan ung ani cu hmuhmat law pi khai.

ISAIAH 30:10

Ngami naw prophet gui adüm ah ami om vai ah pyen na gui ci gui. Ngami naw, “Düng ciah mawng cu keimi awn kä na na pyen nak gui vai, keimi naw kami ng’yak hlü lu nami na m’thein gui vai. Kami cheishoh nak ung kami k’ang ei khai nei.

NG'THU K'THUUK~ 18:15

Lunglang ciah chang cu angtai sei ci gang ne ng’thei ge vai ah om ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

NG'THU K'THUUK~ 1:5

Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

HOSEA 12:1

Israel chang gui naw khawngawi ung ka naw khomü ung khüt khai ah ami bi nü cu akholä dishum sak ciah kyak ci. Ngami cu Assiria gui awn ng’khawtsheng u ne, Egypt gui awn sumlei ci gui.”

ISAIAH 44:20

Ani ah bilawh cu m’vut ei ah mäih ah kyak ci. Ani ah anglam ciah ang ngaih-tüh nak naw lam hma sak ciah kyasei m’htei htang tu vai ah phi kä kyak ci nei. Ani naw a kut ung akawh ah agup cu khanpughi ah kä kyak cicu amät naw amät kä hmat ci.

SAM 119:100

Na thumkhän gui ka läk ah hmawk ah ghi ng’vai ci gui ah bä pi sei ka lu ng’lang ci.

SAM 119:97

Na thukhän cu a i hlawk ah ka m’hni ci aw! A hnüüp pum ung ka ngaih-tüh ci nei.

NG'THU K'THUUK~ 12:23

Lunglang ciah chang cu a hmuhmat ung phi adüm ah om ci, cun ung phi chang gu ang gui naw, kä ami hmuhmat cu ahäu ne pyen ci gui.

NG'THU K'THUUK~ 15:15

Dukhaih ciah ghin nak cu cumbawng nak ah kyak ci, Cun ung phi yeikyai ciah chang cu yeikyai nak awn ghing ci.