NG'THU K'THUUK~ 15:12 - Cho Bible Common Language 2016

¹² Amlung m’dam ci naw chang ah m’shung dung ka ng’ya hlük ci, cuivai pi ci naw m’shumthein vai ka thah ci.

NG'THU K'THUUK~ 15:12 Referans Kwoze

AMOS 5:10

Nangmi chang gui naw kä taga ci m’taga ne, mang ah m’kawt ung düng sei ng’thu cicu nami thüi nak ci.

JOB 21:14

Chang shekha gui naw ami mät om khai gui ah pyen ne Khanpughi m’thein ci gui. Ngami naw ami ghin nak ung ani ah ng’yak hlü cu kä hmat hlük ci gui.

2 TIMOTHI 4:3

Chang gui naw düng ciah yum nak cu kä ngai ya hlü ne, amät ah ng’yak hlü düt läk ne, ami mät ah ng’yak hlü bä bä ah thu m’gawng khai ah, m’theithang ci gui cu k’tä ne ami shui nak ah akhin gawk lawk khai nei.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

NG'THU K'THUUK~ 15:10

Nang cu cheishoh nak na bi ung akda vei m’kyuk nak na gah khai. Na mät naw na mät kä na m’shung düng ung nang cu na sik khai.

2 SHONTÄP NAK 18:7

Ahab naw, “Tumat om ba ci, Imlah ah hta Mikaiah. Cun ung phi ani ka thüi nak ci, ani naw a i ah ung phi kei ah phäh ah akni ah kä ng’cängbang man ci, akphlüt sei akshe bäng ani naw pyen ci. Jehoshaphat naw, “Cun ah kä na pyen vai” cik ci.

NG'THU K'THUUK~ 13:1

Cüvai ciah htapa naw apa ah m’shungdüng cu ngai thei ci. Cun ung phi a i kä tä ciah chang naw akat nak kä ng’kiaa hlawt ci.

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

NG'THU K'THUUK~ 14:6

Chang ah ng’shei cicu ka cuivai hlawt ci. Cun ung phi lunglang ci naw ayäi ah thei thang thei ci.