NG'THU K'THUUK~ 15:11 - Cho Bible Common Language 2016

¹¹ Sih nak ah khaw ung om cicu Bawipa naw ka a hmat vai ah ka k’pang hlawt ci, a i cha ah chang naw amlung ngaih cu, Khanpughi ah ma ah thup hlawt khai aw?

NG'THU K'THUUK~ 15:11 Referans Kwoze

SAM 44:21

nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

SAM 139:8

Kei khan kho ah ka hteh ung, nang a cu ah na om ci; sih nak kho ah ka kyum ung phi, nang a cu ah na om ci.

JOB 26:6

Sih nak ah kho cu Khanpughi ah ma ah ak auh ah kya ci, a i naw phi kä shung ci.

2 SHONTÄP NAK 6:30

ami taigü ngaih pe gui ä. Khankho na im ah ka naw ngai gui ne, m’geinsei gui ä. Nang bäng naw vah hniciim chang ah m’lung ngaih cu na hmat ci. A chang päng cu amät ah bi ah mäih ah om püi ä.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

NG'THU K'THUUK~ 27:20

Chang ah ng’yak hlü gui cu sih nak khaw ah mäih ah kyak ci, angtäi sei akhan om ba hnga mä ci.

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

LAMKTU 1:24

Cun kawn ah ngah mi cu, “Bawipa, nang naw chang ah m’lung kyawng avan na hmat ci, Judas cu amät ah ng’yak hlü ah ang’düihpüi ung ka hteit pyi ci.

THU PHLAAN 9:11

Ngami ah ghangpughang cu m’hte lungkhui uk ciah khanchang ah kiakci. Ani ah ming cu Hebrew ng’thu awn Abaddon, Karik ng’thu awn Apollyon ah kyak ci, (cun cu m’di ci, ciah kyak ci.)

NG'THU K'THUUK~ 15:10

Nang cu cheishoh nak na bi ung akda vei m’kyuk nak na gah khai. Na mät naw na mät kä na m’shung düng ung nang cu na sik khai.

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.