NG'THU K'THUUK~ 15:1 - Cho Bible Common Language 2016

¹ Ng’awigi ciah ng’thu naw m’lung dim sak ci, thu ashe naw m’lung so sak ci.

NG'THU K'THUUK~ 15:1 Referans Kwoze

NG'THU K'THUUK~ 25:15

M’lung neim skak ne ng’ge ng’pai nak naw akhüighat pikbäih acu khep hning ci, uktu gui phi lu hnga päng sak ci.

NG'THU K'THUUK~ 10:12

Thüigen nak naw khüikha nak thawh sak ci, M’hni nak naw apäng avan m’gein ci.

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

NG'THU K'THUUK~ 29:22

M’lungshe aih ciah chang naw ng’tukvok nak la khüikha nak akda awt ci.

NG'THU K'THUUK~ 28:25

Mäthnga kä ngaih nak naw yaica nak law pui ci. Nang cu Bawipa ngaih gep ne na om ung ba pi khai.

2 SAMUEL 19:43

Israel chang gui naw, “Ani cu nangmi ungka ah a kyak pang ung phi, Ghangpughang David cu nangmi ah ta keimi ung a gha ah ng’gui pha pi ci nei. A i ah kyasei keimi nami na kahta nak gui ang? Ghangpughang lak ba vai ah ng’thu pyen ma ci cu, keimi nei, kä nami m’hnih vai!” cik ci gui. Cun ung phi Judah chang gui ah ng’thu cu Israel chang gui ah thu ah ta khäng htek pi ci.

1 GHANGPUGHANG GUI 12:7

Ngami naw m’shang u ne, “Nang naw shin ah chang gui cu akni ah na m’htei gui hlü ah a kyak ung, ngami naw ami k’thäh cu yeikyai nak vai pe gui ä, ngami naw ang’täi sei bekhüt ne na bii bik khai gui nei” cik ci gui.

2 SHONTÄP NAK 10:7

Ngami naw, “Shin ah chang gui cu nang naw m’gein gui ne, ami yeikyai vai ah na m’shan gui ah a kyak ung, ngami cu angtäi sei bekhüt ne, na bii bik khai gui nei” cik ci gui.

JOB 41:3

Ani naw na luat sak vai ah ning ng’paa nak khai ma? Na m’gein vai ah ning ng’coipa khai ma?

NG'THU K'THUUK~ 29:8

A u chang phi a i ah kä ngai ciah chang naw mang gaw avan ung hungsai thawk sak ci, cun ung phi cüivai ciah chang gui naw avan dim deeih sak ci gui.

LAMKTU 19:41

Cun ah thu pyein netah gawnu ca k’gu naw, chang gui cu tüi ba gui ci.