NG'THU K'THUUK~ 14:6 - Cho Bible Common Language 2016

⁶ Chang ah ng’shei cicu ka cuivai hlawt ci. Cun ung phi lunglang ci naw ayäi ah thei thang thei ci.

NG'THU K'THUUK~ 14:6 Referans Kwoze

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

1 KORIN 8:2

Kei ka hmuhmat ci cik ciah chang cu akcang ah a i kä hmuhmat ciah kyak ci.

NG'THU K'THUUK~ 8:9

Cun gui ah kyong ung cun gui avan cu hteicha ci. Akbä ah pyensak avan cu ng’kheing ci.

JEREMIAH 8:9

Nami cüi vai chang gui cu lü ng’aa ci gui nei. Ngami cu ng’gogan u ne, cuun ung awk ci gui nei, Ngami naw kei ah ng’thu cu hnungtuk ci gui, tuhbäi a i cüivai nak ang ngami naw ami gah?

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

NG'THU K'THUUK~ 26:12

Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

NG'THU K'THUUK~ 18:2

Ak gu ang naw a hmuhmat ung phi, ka a hmuhmat ung phi, a i ah ka ngai ci, ani ah bi hlü avan cu ani a i hlawk ah alunglang am dang vai ah kyak ci.

NG'THU K'THUUK~ 17:24

Lunglang ciah chang naw cuivai ne hnünthawh nak bu ci, cun ung phi chang ang naw dam ne khaw yau ci.

SAM 119:18

Ka mik na m’dei sak ä, cun ung na thukhän ung cäicat vai düng nak gui cu kei naw ka hmuk khai nei.

NG'THU K'THUUK~ 1:5

Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

NG'THU K'THUUK~ 14:5

Akcang pyen ciah saksi naw angtäi sei a cang pyen ci. Ka acang pyen ci naw a i a pyen vai ka om sei a hleei pyen ci.

NG'THU K'THUUK~ 14:7

Chang gu ang ah pei ah ka nami ng’et vai, ngami ung ng’thei tu vai a i ka om ci.

NG'THU K'THUUK~ 24:7

Cüivai nak ng’thu cu thuuk aih ciah kyasei, chang gu ang naw kä hmat yäi ci. Küikyang aih ciah amawng gui pyen sak law ung ani naw a pyen tu vai a i kä om ci.

NG'THU K'THUUK~ 8:8

Kei ah ka pyen päng cu düng ci, Thuvi nak la lam hma nak kä om ci.

NG'THU K'THUUK~ 15:12

Amlung m’dam ci naw chang ah m’shung dung ka ng’ya hlük ci, cuivai pi ci naw m’shumthein vai ka thah ci.

NG'THU K'THUUK~ 17:16

Chang gu ang naw ca ng’thei nak vai ah phah ah ngui a mang cu ka nik ci, a i ah kyasei ci ung ani ung ng’yak hlü nak ka om ci.