NG'THU K'THUUK~ 14:35 - Cho Bible Common Language 2016

³⁵ Cuivai ciah a chang bawi cu ghangpughang naw yei nak ci, thui ng’aa nak vai bik cicu m’kyuik ci.

NG'THU K'THUUK~ 14:35 Referans Kwoze

MATTHE 25:23

A bawi naw ‘Na bä ci nang cu düng ciah changniah na kyak ci. Bi api ung nang düng ci kyasei bi akdäm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

NG'THU K'THUUK~ 22:11

Nang naw theingcim ciah m’lung la bä ciah ng’thu cu na m’hni ah a kyak ung, ghangpughang cu na teihpüi ah kyak khai.

NG'THU K'THUUK~ 29:12

Uktu naw kä hman ci m’cumcäi nak aläk ah akyak ung bawi gui ami van cu hleeihlak ciah kya yawp ci gui.

NG'THU K'THUUK~ 25:5

Akshe ah m’cumcäi thei cicu ghangpughang ungka kami k’täm khai. Aniah uknak cu ataga nak awn avan naw hmat khai.

NG'THU K'THUUK~ 20:26

Cüivai ciah ghangpughang nawa cheishoh ciah chang cu k’tä ne hmuk khai, aninaw kä m’gein ne m’kyuk khai.

NG'THU K'THUUK~ 20:8

Ghangpughang cu ng’thumcha nak ung ngok ci, ani naw akshe cu a hmuh ung hmat ci.

NG'THU K'THUUK~ 19:26

Thui ng’aa ne thüisei vai ah kyak ciah chang naw apa shedam na ne anu im ungka naw gawt ne k’tam ci.

NG'THU K'THUUK~ 17:2

Cuivai ciah chang sham naw ghawi pai ciah a bawi ah hta ah khan ah huham mah ne pakhui khawh amshah cu gha thei ci.

NG'THU K'THUUK~ 10:5

Lunglang ciah chang naw geit a hmin sang ung khäm ci, geit khäm yah ung ip cicu thüisei nak om ci.

NG'THU K'THUUK~ 14:34

Dung nak naw pakhui khaw hlüngtai sak ci. Katnak naw pakhui khaw thui ng’aa sak ci.

ATÜNNAK 41:38

“Khanpughi ah mümcha naw a om nak ah shin ah Joseph ah mäih ah chang a hawi phi kä mi hmuk khai” cik ci.

ESTA 7:7

Ghangpughang cu ng’düi law ne m’lungshe ne, kyong ah ka lut law ne mang im duum ah hteit ci. Ghangpughang naw a shin ah phäh ah ani cu m’kyuk lawk khai ah hmat neta, ani cu om shüt ne a ghin nak am gein vai ah ghangpughangnu Esther ung ng’pa khai ah kyak ci.

NG'THU K'THUUK~ 16:13

Ghangpughang naw düng nak cu ng’ya hlük ci, düng sei ng’thu cicu ani naw m’hni ci.