NG'THU K'THUUK~ 14:3 - Cho Bible Common Language 2016

³ Ang lam cicu chang ah ng’shei ne akda ah ng’thu ci. Cüivai cicu ang thu naw phyawn sak ci.

NG'THU K'THUUK~ 14:3 Referans Kwoze

NG'THU K'THUUK~ 12:6

Changshe gui ah ng’thu cu ngawn sih nak vai kyak ci, Cun ung phi düng ciah chang ah ng’thu naw kyikyawk ci gui gung gui ci.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

DANIEL 7:20

Cun kawn a lu khan ah om ciah a ki gha la a ki thum plawh ne lut lawk ciah a ki ah mawng cu ka hmat hlük ci. A cun ung a mik gui la am gawng om ci, ani cu chang ah ng’shei ci. Cun cu ahei gui ah ta kyih pi vai ah kyak ci.

NG'THU K'THUUK~ 28:25

Mäthnga kä ngaih nak naw yaica nak law pui ci. Nang cu Bawipa ngaih gep ne na om ung ba pi khai.

NG'THU K'THUUK~ 22:8

Kä taga ciah geit m’shi na phu ah a kyak ung leigai ah tho lawk khai, chang na shedam nak phi ng’pyi khai.

NG'THU K'THUUK~ 21:24

Chang k’om cicu na na m’nuh vai, yoshe nak ci, chang ah ng’shei ci, kho kä tä cicu ka ning m’hnuh khai.

NG'THU K'THUUK~ 18:6

Chang gu ang cu ang vook tu ung ng’toh vai ah ng’ghuh ci.

SAM 57:4

Kei cu chang ei ciah kawng gui ah mäih ah kyak ciah gaa gui naw nak khai ci gui. Ami ha gui cu k’htei la m’la ah mäih ah kyak ci, ami m’lei gui cu chim ah mäih ah ghaat ci.

SAM 12:3

O Bawipa! Thuvi ciah m’lei cu dim sak ä. Khäh ghah ciah m’gawng cu bing sak ä,

JOB 5:21

Khanpughi naw ng’thushe ungka ning gung khai, dishum nak a gawk law ung ning hun khai.

1 SAMUEL 2:3

M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.

SAM 31:18

Hleeihlak ci gui, chang k’awm ci gui, chang kä hmu tuk ci gui, düng ciah chang, akshe ah pyen ci gui, a düm ah om u sä.

NG'THU K'THUUK~ 14:4

Lai thawn nak vai seipat kä a om ung na khei ghawng khai. Cun ung phi seipat a om ung khei ung htang be khai.

NG'THU K'THUUK~ 13:3

Na ng’thu ng’htau geing na ne, na ghin nak na shungvong vai. Kä geing nak ah ng’thu ci naw amät m’di ci.

NG'THU K'THUUK~ 18:7

Chang gu ang cu ang thu tu ung amat ah di nak vai ah ng’thu ci, Ani cu amat ah ng’thu ah cuun naw pha ba ci.