NG'THU K'THUUK~ 14:29 - Cho Bible Common Language 2016

²⁹ Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

NG'THU K'THUUK~ 14:29 Referans Kwoze

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

THUSHÄUTU 7:9

Nami m’lung nami k’üüp vai; ng’u hneit nak cu guktaak nak ah kyak ci.

NG'THU K'THUUK~ 14:17

M’lung she aiha ciah chang naw ak gu ang ah bii bik ci, cuivai pi cicu adüm ah om ci.

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

NG'THU K'THUUK~ 19:11

Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.

NG'THU K'THUUK~ 16:32

M’lung sau nak cu huham mah nak ah ta ba pi ci, amat naw amat nang cicu mang gaw avan nang ciah ta ba pi ci.

NG'THU K'THUUK~ 25:28

Na m’lungshe nak kä nak üüp hlawt ah a kyak ung vongpaang kä om ciah mang gaw tuk ghet vai ah auh ciah mäih ah am gein kaa ah na kyak khai.

KHEI NAK 12:3

(Moses cu m’lung neim ciah chang, khomdek khan chang avan ung m’lung neim pi ci) cik ci.

MATTHE 11:29

Kei ah ka kawh cu kawt ne, kei ah ng’thei law vä, Nangmi cu hüiyang nak nami hmuk khai.

THUSHÄUTU 10:6

Chang shekha gui cu huham mah ciah bawi ah m’hmoh gui u ne, bühmang ci gui cu ami nawng gui.

NG'THU K'THUUK~ 25:8

Na hmuh ah mawng pyen vai ah ang ghit aih ah yung ah kä na hteh vai, a kawn ah ahei saksi naw law ne na hma ciah a pyen ung a i ah na kyak khai aw?

NG'THU K'THUUK~ 4:8

Cüivai nak cu na m’hni vai ah cun naw ning dämduh sak khai. Ani cu nakpan khek vai, acun naw ning tamkhah khai.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

NG'THU K'THUUK~ 14:28

Ghangpughang ah hlüngtai nak cu chang a i chu a uk ciah khan ah phung ci, a uk vai ka om cicu a kholä ah kyak ci.

NG'THU K'THUUK~ 17:27

Amat ngaih gep ciah chang naw akphlütt ah ng’thu ka pyen ci. Ak kyäpnep ah om ciah chang ah m’lung kyong ung cang nak om ci.

THUSHÄUTU 7:8

A mawng tumat ah khüt nak cu ang tün nak ah ta bä pi ci. M’lung sau nak cu chang ah ng’shei nak ah ta bä pi ci.