NG'THU K'THUUK~ 14:27 - Cho Bible Common Language 2016

²⁷ Sih nak na ng’phleng hlü ne ang? Bawipa kyih aa nak cu ghin nak tuikci ah kyak ci.

NG'THU K'THUUK~ 14:27 Referans Kwoze

NG'THU K'THUUK~ 13:14

Cüivai ciah m’theithang nak cu ghin nak ah tui khawng ah kyak ci. Na ghin nak kyihkyawk nak ung a gawk law ung, acun naw m’htei ne ning m’hlawt khai.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

ISAIAH 33:6

Chang pakhui am khänghtek nak cu pek ci. Ani naw angtäi sei a chang gui cu shungvong gui ci, cüivai nak hmuhmat nak cu pe gui ci. Ngami ah dämduh pi ciah m’küm cu Bawipa (khanpughi) kyih aa nak ah kyak ci.

NG'THU K'THUUK~ 22:5

Na hnun gui na m’hni ah a kyak ung alam päng ung changshe gui phak ciah cuun awn ng’shawng khai ah na om vai nei.

SAM 18:5

Sihnak ah kyihnak naw na kiung ne; ng’cim hun naw cun awn na phak ci nei.

THUSHÄUTU 7:26

Sih nak ah ta kha pi cicu ka hmuk ci, cun cu cuun ah mäih lawk ci hnumi nei. Ani ah ning pek ah m’hni nak cu ng’vai ah mäih ah kyak ci. Nang cu ning phak khai; a ning k’awi nak ah kut naw m’si gui ah mäih ah ning khit khai. Khanpughi yeikyai sak ciah chang naw a cun cu phyawn nak khai, cun ung phi katnak bik cicu a cun naw phak khai.

NG'THU K'THUUK~ 10:27

Bawipa läk cicu akshou ghing ci, changshe cu akhin kä gawk pha sei sik ci.

NG'THU K'THUUK~ 14:26

Bawipa kyih aa nak naw m’lung up nak la ngaih gep nak cu acun ah chang la akyong khui am pek ci.

NG'THU K'THUUK~ 14:28

Ghangpughang ah hlüngtai nak cu chang a i chu a uk ciah khan ah phung ci, a uk vai ka om cicu a kholä ah kyak ci.

NG'THU K'THUUK~ 19:23

Bawipa cu na lak vai, cun ung akshou na ghing khai, bühbei ne leigai na phyawn nak khai,