NG'THU K'THUUK~ 14:19 - Cho Bible Common Language 2016

¹⁹ Changshe gui cu changnigui ah ma ah kaup khai gui, ami hmai a kyang nak vai ah ng’coipa khai gui.

NG'THU K'THUUK~ 14:19 Referans Kwoze

MALAKHI 4:3

Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

ATÜNNAK 42:6

Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

PHYAWN NAK 8:8

Ghangpughang naw Moses la Aaron cu khü goi neta, “Shin ah k’u gui k’täm gui vai ah Bawipa ah taigü ni ä, cun ung nami chang gui ka hteh sak gui khai, cun ung ngami naw ami Bawipa cu khawihnah pe tak hlawt khai gui nei” cik ci.

NG'THU K'THUUK~ 11:29

A kyong khui ung khüikha nak gawk law sak ciah chang cu, ak hnu ah akholä ma nak khai. Ang lam ciah chang cu angtäi sei cüivai ciah chang ah changshäm ah kyak khai.

SAM 49:14

Ngami cu htome ah mäih ah khomü sei sik ci gui, sih nak cu ngami ah htoshäm ah kyak ci. Ng’düng ci gui naw ngami cu näng gui sei, ami pumsa cu ang ghit ah thuka ne, ami im awn ng’shawng ciah sih nak ah kho ah gawk ci.

2 GHANGPUGHANG GUI 3:12

Ghangpughang Jehoshaphat naw, “Ani cu prophet akcang nei” cik ci. Cun ah kyasei ngami thum cu Elisha ah hteit ci gui.

1 SAMUEL 2:36

Na hta ng’shon ung ka, api k’pawih ba ci gui cu taigüpa ah hteit ne, ngui la ei k’thäh khai gui, ei vai ami gah vai ah phäh ah taigüpa cu bi ning bi püi kawng cine, ami bi sak vai ah ng’hui ng’pa khai gui.”

PHYAWN NAK 11:8

Moses naw khüm nak ah ng’thu a pyen cu, ‘Na bawi gui ami van cu ka ma ah law ne kawp lawk khai gui, ka chang gui avan la ne ka hteh püi gui vai ah ngami naw na ng’paa law nak khai gui. Cun kawn ah kei cu ka hteit tuk khai” cik ci. Cun kawn ah Moses cu m’lungshe ne ghangpughang cu hteh tak ci.

ATÜNNAK 43:28

Ngami naw, “Na chang, kami pa cu ghing ci nei, gai ci nei” ci u neta kawp ne m’khukdawng ci gui.

LAMKTU 16:39

Cun ah kyasei ngah mi cu law u ne, Paul la Silas cu ng’ge püi ba goi u netah, thawng ungka k’plawk ba goi u ne, cun ah gawnu ungka naw ani hteh ba vai ah m’cäi goi ci gui.

NG'THU K'THUUK~ 14:18

Chang anglam gui naw ami gu ang nak cu chaw nak ci gui, Cun ung phi langkhaa ci gui naw hmuhmat nak ah m’cümhnah gha ci gui.