NG'THU K'THUUK~ 14:14 - Cho Bible Common Language 2016

¹⁴ Changshe gui naw ami mat ah shetkat nak gah ci gui, Changniguio naw ami mat ah om ih awn m’cümhnah nak gah ci gui.

NG'THU K'THUUK~ 14:14 Referans Kwoze

KALATIAN 6:8

M’dek chang ah ng’yak hlü ah m’dek ung geit ci naw, sih nak ah a vuipai cu khäm ba khai; Mumcha ah ng’yak hlü ah ng’lei ung geit ci naw, angtäi ghin nak ah a vuipai cu khäm ba khai.

NG'THU K'THUUK~ 12:14

M’cümhnah nak na gah cu mna mät ah ng’thu la na mät ah bi ungka ah kyak ci. Nang naw na mät awn khinkha cicu na gah khai.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

JEREMIAH 8:5

Ka chang gui, kei na ng’hlah ta u neta, a i ah kyasei kä ng’hlah law ba phung ah nami om ang? Nangmi cu nami gup gui ung ng’bat u ne, kei ah nami ng’hlah law ba vai ah nami mak ci.

KALATIAN 6:4

Ak chang sing naw amät ah bi cu amät naw am htei vai. Abi cu nik ciah a kyak ung, chang hei ah bi awn kä m’tumtäng-en ne, amät ah bi ung amät ang yum vai.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

JEREMIAH 17:5

Bawipa naw pyen ci, “Kei na ng’hlah tak ci gui cu kei naw ka m’kyuk gui khai, ngami cu hnicim chang ngaih u u ne, she thei ci k’thagui nak ci gui.

NG'THU K'THUUK~ 14:10

Na yei nak phi na mat ah kaa, na khaa nak phi na mat ah kaa, a u naw ka ning tei pai pui khai.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

HOSEA 4:16

Israel chang gui cu pat m’la ah mäih ah lingkeng ci gui nei. Kei naw a i hawk cha ah htome hta gui ah mäih ah kho k’pu ung ka m’bei gui hlawt khai aw?

EZEKIEL 22:31

Cun ah kyasei kei naw ngami ah khan ah ka m’lungshe nak zuh lawn ne, ngami ah ami bi phung cu mei ah mäih ah kya ne ka m’di khai.” Uktu Bawipa naw a pyen nei.

SAM 109:17

Ani cu ng’plah hlük ci kya sei, ani cu phlah u sä! Hriham pek vai thüi nak ci kya sei, a u naw hriham kä pe-en sä!

NG'THU K'THUUK~ 9:12

Nang ung cüivai nak a om ah a kyak ung nang cu na lawn khai. Cüivai nak na hnungtuk püi ah a kyak ung nang cu na khüikha khai.

NG'THU K'THUUK~ 12:21

Chang düng gui ah khan ah akaa kä gawk lawk khai, changshe gui cu akholä ah kyak ci, cun ung phi yaica nak om khai.

NG'THU K'THUUK~ 14:15

Chang anglam naw apang yum thei ci, chang langkha naw a khaw m’khaan pang m’htei ci.

NG'THU K'THUUK~ 18:20

Nang cu na ng’thu htau nü nü ah ciah na sui ei na ghing om khai.