NG'THU K'THUUK~ 14:10 - Cho Bible Common Language 2016

¹⁰ Na yei nak phi na mat ah kaa, na khaa nak phi na mat ah kaa, a u naw ka ning tei pai pui khai.

NG'THU K'THUUK~ 14:10 Referans Kwoze

PHILIPPIAN 4:7

Cun ah nami bi ung, hnicim chang naw ngaitüh ne kä k’phaa ah Khanpughi ah dimdeeih nak naw, Bawi Khrit Jesuh ung nami kawng ät nak awn, nami m’lung la nami ngaih avan cu ning m’htei gui khai nei.

NG'THU K'THUUK~ 18:14

Na ghin gai nak hlü naw na natnak cu nang ci, Cun ung phi cun a maih ah a kyak ung, na ngaih u nak cu maih khai.

NG'THU K'THUUK~ 15:13

Chang gui cu ami yei yah ung hmai kiang ci gui, ami thüi law ung ami hmai m’kyum ci gui.

JOB 10:1

Ka ghin ka yai ci. Kei ah ng’thu m’da kha gui cu na ngaih pe ä.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

JOHAN 14:18

“Kei ka hteh law ung nami mät kä ka ning nawng gui khai,

JOB 7:11

Ka nei! Kei cu adüm ah kä ka om khai! Kei cu ka m’lung she ne, ka m’lung khak ci. Kei naw ng’thu ka pyen ci nei.

JOHAN 12:27

“Tuhbäi kei cu kamlung thüi ci nei, a i cine ka taigü khai aw? Kapa, tuhbäi kei ah khan ah gawk lawk khai ah akhin ungka na phiawn sak kä! ka cik khai ang?

EZEKIEL 3:14

Bawipa ah huham cu kei ah khanah dämuh ciah nak tut ne gawk law khäta amum cha naw na hteh püi sei, kei cu ka m’lung na ne ka m’lung she ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

JOB 9:18

Kä ka ng’ghi hlawt khai ah; ak kha gui phung awn ka ghin nak cu be sak ci.

2 GHANGPUGHANG GUI 4:27

Cun ung phi Elisha ah a gawk law kawn ah ama ah kawp ne a khaw cu k’pang ci. Kehazi naw k’täm hlük ci, cun ung phi, Elisha naw, “Nawng en ä, ani am lung a thüi nak cu nang naw kä na hmu ne ma? A cun ah mawng cu Bawipa naw a i kä na m’thein ci nei” cik ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

ATÜNNAK 42:21

Ngami ami mät ng’thu u ne, “Mi nau mi hma nak ah hmawk ah tuhbäi mi khüikha ciah kyak ci, a geinvai nak mi hmu lang ne, mi m’htei vai ah na ng’paa na gui sei phi, mikmi naw kä mi ngaih pek ci, acun ah hmawk ah tuhbäi mi yaica ah kyak ci” cik ci gui.

JOB 21:25

Ahei gui cu yeikyai nak kä om phung ci; ngami cu akha deng ah ghing neta sik ci gui.

1 SAMUEL 1:15

“Ka, Saza, kei kä ka awktat ci nei, a i kä ka awk ci nei! Kei ka geinvai ci, ka taigü ci, ka khüikha nak cu Bawipa ung ka lawn ci nei.