NG'THU K'THUUK~ 13:7 - Cho Bible Common Language 2016

⁷ Chang amshah cu bühmang ciah ng’shei ci, cun ung phi a i kä tak ci. Chang amshah cu pyamtham ciah ng’shei ci, cun ung phi khawh akda tak ci.

NG'THU K'THUUK~ 13:7 Referans Kwoze

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

NG'THU K'THUUK~ 12:9

Chang düt ah kya ne hnun m’ghin nak vai bi bi cu, bawi mang ah bi bi neta ei cawi ah ta bä pi ci.

NG'THU K'THUUK~ 11:24

Chang am akda pe ta ne phi bämang law pi ci om ci, aktä ah m’cun m’sep ne phi du khaih law pi ci phi om ci.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

2 KORIN 4:7

Cung ung phi Mumcha khawh mi m’küm ciah mikmi cu, m’dek am düt ah mäih mi lawk ci kyasei, mikmi ung uknak ah hlüngtai nak kä om ci, Khanpughi bäng ung vah om ci.

2 PETER 2:19

Ngahmi naw chang-am ng’päiye nak shai ami taak ung phi, ami mät cu didap nak ah khleihtein ah kyak ci gui. A i ah kyasei ci ung, chang cu ani uk ciah khleihtein ah kyak ci.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

LUKA 12:21

Cun kawn ah akhnu ah Bawipa Jesuh naw, “Ngui ghui khawhchaam akda am küm ung phi, Khanpughi ah maa ah ghawipyam ciah chang cu, ashin ah bühmang ciah chang awn täng ci nei” cine m’thein gui ci.

NG'THU K'THUUK~ 13:11

Ayäi ah na gah ah na khawhcham cu ang ghit ah maih ba khai. K’tha na ne na shui yap ung akdäm pi na gah khai.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

1 KORIN 4:8

Nangmi cu nami ng’yak hlü päng kumbe pyi ne maa! Nami ng’büh mang ei pyi ci maa! Keimi hnaw ghangpughang ah kä kya u ngä sei, nangmi ghangpughang ah nami kya pyi ci maa! Nangmi cu akcang ah ghangpughang ah nami kyak vai ka ng’ya hlük ci, cun ung vah keimi phi nangmi awn a täng ah ghangpughang ah kami kya tuk khai.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

NG'THU K'THUUK~ 13:8

Bühmang ci naw a ngui cu a hnun hun nak vai ah mang ci, cun ung phi dukhaih cicu a u naw kä ngäng ci.