NG'THU K'THUUK~ 13:25 - Cho Bible Common Language 2016

²⁵ Düng ciah chang cu ang büh nak vai ei om ci. Cun ung phi chang shekha cu angtäi sei ei cawi ci.

NG'THU K'THUUK~ 13:25 Referans Kwoze

SAM 34:10

Kawng hlui cu a ei vai kä om se a cawi ung phi, Bawipa läk ciah chang cu ni kyom nak kä shum khai nei.

NG'THU K'THUUK~ 10:3

Bawipa naw changnicu ei kä cawi sak ci. Cun ung phi changshe gui ah ng’yak hlü cu sheet sak ci.

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

NG'THU K'THUUK~ 6:11

Cun ung phi na ih yah ung ghawi pai nak naw m’guk ei ah kut ah mäih ah ning k’pang khai nei.

THULÄÄN NAK 32:24

Ngami cu ei ah cawi ne gaw ne sik khai gui, Ngami cu kyih vai ah natnak gui awn sik khai gui. Ngami tu gui khai ah kei naw khisa gui ka tüi khai. Am äm mah ah phyu naw k’dawk gui khai.

2 THESSALONIAN 3:10

Keimi cu nangmi awn a täng ah kami om yah ung, “Bi kä bik hlük ci naw ei kä ah ei-en vai,” cine kami ning m’thei gui ci.

NG'THU K'THUUK~ 24:34

Cun ung phi nang na ih yah ung dukhaih nak naw m’guk ei ah likhim ah mäih ah ning näng khai.

SAM 37:16

Changni tumat ah khawh api cu, changshe avan ah khawh ah ta bä pi ci.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

THULÄÄN NAK 28:48

Nangmi ning hnungtuk püi gui khai ah Bawipa naw a tüih law vai ah ga gui ah bii cu nami bik khai. Nangmi cu ei nami cawi khai, tui nami gha khai. Nami k’plui khai. Apäng hlü sei nami om khai. Nangmi kä ka ning m’di pha gui ah chuih Bawipa naw a ghat ah ning shekdam na gui khai.

LUKA 15:14

A ngui avan ng’pyi khätah acun ah kho ah cawi khaih nak kho yaw sei ani cu ang htei ah cawi gha lawk ci.

SAM 103:5

Ani naw ka ghin nak cu akni bäng awn nak’be sei, kei cu nong ne om ne hmu kiung ah mäih ah ka khüighat ci.

SAM 132:15

Kei naw Zion mang gaw ah ang yak hlü cu ak bä ah ka küm be sak khai; kei naw a dukhaih nak cu ei awk awn ka ng’büh sak khai.

NG'THU K'THUUK~ 13:18

A i kä ng’theithang cicu dukhaih nak la khüikha nak om ci. M’shungdüng nak ngai ciah chang cu chang m’sui nak om ci.