NG'THU K'THUUK~ 13:24 - Cho Bible Common Language 2016

²⁴ Na hta cu that ne kä na m’cäi ung na hta kä na m’hni ciah kyak ci. Na hta na m’hni ah a kyak ung na m’shum thein vai.

NG'THU K'THUUK~ 13:24 Referans Kwoze

NG'THU K'THUUK~ 29:17

Na hta cu m’hnütbäi nak na pek vai, nang cu angtäi sei ani awn na khäghah khai, ani naw thui ng’a nak vai ah mawng kä ning pe phung khai.

NG'THU K'THUUK~ 29:15

M’shümthein nak gui la m’hnütbäi nak gui cu ak hmaw gui ah phäh ah akni ah kyak ci. Ak hmaw cu amät ah ngaih ah a hteh ah akyak ung, ani naw anu cu ng’aa sak khai.

NG'THU K'THUUK~ 19:18

Na hta gui cu ng’thei thei khai gui ah ami hmaw yah ung na m’shumthein gui vai, ka cun ung ami mat naw ami mat ami m’di vai ah na m’thein gui ciah kyak ci.

NG'THU K'THUUK~ 22:15

Ak hmaw hta gui cu ami ng’tüi püi ah hmü hma thei ci gui, a i kä geing na thei ci gui. Cun ung phi akni ah that ne m’cä ung, a i cha ah ami ghin om vai m’thein ah kyak ci.

NG'THU K'THUUK~ 3:12

Bawipa naw am hni ah chang cu m’shung hlawi ci, Apa naw am hni ah a hta am shung hlawi ah mäih ah kyak ci.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

THULÄÄN NAK 8:5

Nami shüm ba vai Bawipa nami Khanpughi naw, apa naw a hta am cäi ah mäih ah ning m’düng gui ne, ning m’kyuk gui ci.