NG'THU K'THUUK~ 13:2 - Cho Bible Common Language 2016

² Changnigui cu ami ng’thu pyen ah phi äh ah m’cümhnah nak gah ci gui, Cung ung phi chang shekha gui cu ami m’ghämce nak awn akshe bi hlü aih ci gui.

NG'THU K'THUUK~ 13:2 Referans Kwoze

NG'THU K'THUUK~ 12:14

M’cümhnah nak na gah cu mna mät ah ng’thu la na mät ah bi ungka ah kyak ci. Nang naw na mät awn khinkha cicu na gah khai.

NG'THU K'THUUK~ 18:20

Nang cu na ng’thu htau nü nü ah ciah na sui ei na ghing om khai.

NG'THU K'THUUK~ 10:11

Changt ni ah ng’thu cu ghin nak ah tui khawng ah kyak ci, Cun ung phi changshe ah ng’thu ung shaishe ng’thup ci.

NG'THU K'THUUK~ 1:31

Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

SAM 140:11

Chang akshe ah yawshe nak ci cu, kä näng en sä; m’ghäi m’ce ci gui cu leigai naw näng ne m’di gui sä.

NG'THU K'THUUK~ 4:17

Shekat nak la m’ghämce nak cu tui ei nak ci gui.

THU PHLAAN 16:6

Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

HABAKKUK 2:17

Nangmi naw Lebanon khawbung nami k’paai ci, tuhbäi nangmi ning k’paai ba gui khai. Nangmi naw akhisa gui nami ngawn ci, tuhbäi khisa naw ning plawh ba gui khai. Shin gui cu kya lawk khai, a i ah kyasei ci ung nami ngawn ah phih la, m’dek khan chang gui la ami mang gaw gui akshe ah nami hnungtuk püi ah phäh ah kyak ci nei.

HABAKKUK 2:8

Nangmi naw changpakhui akda nami guttep ci, tuhbäi om ba ci gui naw ning guttep tuba gui khai gui. Chang nami ngawn ah phäh la m’dek chang gui hnungtuk püi ne ami mang gaw gui nami m’shet ah phäh ah ning ci tuba gui khai gui.

SAM 75:8

Bawipa naw khap cu a kut ung kawt ne, sü ciah am lung she nak awn be sak ci. Ani naw kei sei changshe gui ami van naw awk ci gui; m’sing ne aw yawp ci gui.

NG'THU K'THUUK~ 1:18

Cun ung phi cun ah mäih chang gui cu ami mät ah phäh ah m’hling baang ciah kyak ci gui. Ami sih nak vai cuun cuung ci gui.

NG'THU K'THUUK~ 18:21

Na mat ah ng’thu naw na hnun ning ngang hning ci, ka cun ung ning m’di hning ci, cun ah kyasei na ng’thu htau ah aci ah na dou thei ci.

HOSEA 10:13

Cun ung phi nangmi naw shet kat nak geit u new, Acun ah m’theih pai cu nami khäm ci, Nami mät ah hleeihlak nak ah am theih pai cu nangmi naw nami ei ci. “Nami yatha gui la da aih ciah nami gakap gui cu nami ngaih u ah phäh ah

NG'THU K'THUUK~ 11:23

Changnigui ah ng’yak hlü cu angtäi sei akni ah kyak ci, Changshe gui naw ami ng’yak hlü ami gah ung chang päng cu m’lungshe ci.